Rest In Peace George!

အိန္ဒိယကာကွယ်ရေးဝန်ကြီးဟောင်းလည်းဖြစ်၊ မြန်မာ့ ဒီမိုကရေစီအရေးကို တက်ကြွစွာ ကူညီပံ့ပေးခဲ့သူလည်းဖြစ်တဲ့ ၀ါရင့် နိုင်ငံရေးသမားကြီး George Fernandes ဟာ ဒီကနေ့ အင်္ဂါနေ့မှာဘဲ ကွယ်လွန်သွားပြီ ဖြစ်ပါတယ်။ ကွယ်လွန်ချိန်မှာ George ဟာ အသက် ၈၈ နှစ် ရှိပါပြီ။

George Fernandes ဟာ မြန်မာနိုင်ငံမှာ ရှစ်လေးလုံး ဒီမိုကရေစီအရေး တောင်းဆို ဆန္ဒပြမှုတွေ နောက်ပိုင်း အိန္ဒိယနိုင်ငံဘက်ကို ထွက်ပြေး ခိုလှုံခဲ့ကြတဲ့ ဒီမိုကရေစီအရေး တက်ကြွလှုပ်ရှားသူ ကျောင်းသားလူငယ်တွေကို နယူးဒေလီမြို့က သူ့ရဲ့ အိမ်မှာ နေထိုင်ခွင့်၊ ရုံးခန်းဖွင့်ခွင့်တွေ ပေးခဲ့တဲ့ အပြင် အိန္ဒိယရဲ့ အထင်ကရ ၀ါရင့် လွှတ်တော်အမတ် တဦးအနေနဲ့ မြန်မာ့ ဒီမိုကရေစီအရေးအတွက် ထိပ်တန်းကနေ ဦးဆောင် ကူညီပေးခဲ့သူ ဖြစ်ပါတယ်။ သူ့ရဲ့ ကူညီ ပံ့ပိုးမှုတွေကြောင့် အိန္ဒိယ လွှတ်တော် အတွင်းမှာရော၊ လွှတ်တော်ပြင်ပမှာပါ မြန်မာ့ ဒီမိုကရေစီ အရေးကို စိတ်ဝင်စားမှု၊ ကူညီပေးမှုတွေ ရရှိခဲ့ပါတယ်။

George Fernandes ဟာ အိန္ဒိယနိုင်ငံရဲ့ ကာကွယ်ရေးဝန်ကြီးအဖြစ် ၁၉၉၈ ခုနှစ်ကနေ ၂၀၀၄ ခုနှစ်အထိ တာဝန်ထမ်းဆောင်ခဲ့သလို၊ ဆက်သွယ်ရေးဝန်ကြီး၊ စက်မှုဝန်ကြီးနဲ့ မီးရထားဝန်ကြီး စတဲ့ အစိုးရ၀န်ကြီးတာဝန်တွေကိုလည်း အသီးသီး ထမ်းဆောင်ခဲ့ပါတယ်။

George Fernandes ဟာ မြန်မာ့ ဒီမိုကရေစီအရေးတင်သာ မကဘဲ တိဘက်လူမျိုးတွေရဲ့ ဒီမိုကရေစီအရေး လှုပ်ရှားမှုကိုလည်း တက်ကြွစွာ ကူညီပေးခဲ့သူပါ။

Zaw Win Hlaing