ကိုရီးယားနိုင်ငံဆိုင်ရာမြန်မာသံအမတ်အဖြစ် ပထမဆုံး တာဝန်ထမ်းဆောင်မည့် အရပ်သား သံအမတ်

ကိုရီးယားနိုင်ငံဆိုင်ရာမြန်မာသံအမတ်အဖြစ် ပထမဆုံး တာဝန်ထမ်းဆောင်မည့် အရပ်သား သံအမတ်

မြန်မာနိုင်ငံတော် သမ္မတကြီး ဦးဝင်းမြင့်သည်
မကြာမီ ရက်ပိုင်းအတွင်း တောင်ကိုရီးယားနိုင်ငံ ဆိုလ်းမြို့ရှိ မြန်မာသံရုံးတွင်
ကိုရီးယား သမ္မတ နိုင်ငံဆိုင်ရာ မြန်မာသံအမတ်ကြီးအဖြစ် တာဝန်ထမ်းဆောင်တော့မည့် မြန်မာသံအမတ်အသစ် ဦးသန့်စင် အား သီးသန့် တွေ့ဆုံကာ အဓိက လိုအပ်ချက်များကို လမ်းညွှန်မှာကြားခဲ့ပါသည်။
မြန်မာ သံအမတ်ကြီး ဦးသန့်စင်သည် ၂၀၁၉ခုနှစ်
မတ်လ(၇) ရက် ကြာသပတေးနေ့ ညပိုင်းတွင် မြန်မာနိုင်ငံမှ ကိုရီးယားနိုင်ငံသို့ ကိုရီးယား လေကြောင်းလိုင်းဖြင့် ထွက်ခွာလာမှာဖြစ်ပြီး
မတ်လ (၈) ရက် သောကြာနေ့ မနက်စောစောပိုင်းတွင် ကိုရီးယားနိုင်ငံသို့ရောက်ရှိမည်
ဖြစ်ပါကြောင်းသိရှိရပါသည်။
သံအမတ်ကြီး ဦးသန့်စင်သည် မြန်မာနိုင်ငံခြားရေးဝန်ကြီးဌာန၊
သံတမန်ရေးရာဦးစီးဌာန ညွှန်ကြားရေးမှူးချုပ်ရာထူးမှနေ၍ ကိုရီးယားသမ္မတနိုင်ငံဆိုင်ရာ အထူးအာဏာကုန် လွှဲအပ်ခြင်းခံရသော ပြည်ထောင်စုသမ္မတမြန်မာနိုင်ငံတော် သံအမတ်ကြီးအဖြစ် သမ္မတမှ ခန့်အပ်ခြင်းခံရသူဖြစ်ပြီး
နိုင်ငံတော်၏ အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်၏ စိတ်ချ အားထား ရသူတစ်ဦးလည်းဖြစ်ပါသည်၊ သူသည် NLD အစိုးရ တက်လာပြီးသည့်နောက် ကိုရီးယားနိုင်ငံသို့ သံအမတ်အဖြစ် ပထမဆုံး တာဝန်ထမ်းဆောင်မည့် စစ်ဘက်ဆိုင်ရာမှ မဟုတ်သည့် အရပ်သား သံအမတ်တစ်ဦးဖြစ်ပါသည်

YNHT(KOREA))🇰🇷