တော်တော် အားသလား

တော်တော် အားသလား

၂ဝ၁၉ ခုနှစ် တက္ကသိုလ်ဝင်တန်း စာမေးပွဲ မြန်မာစာမေးခွန်းထဲမှာ ပုဒ်အထားအသို ပြန်ရေးခိုင်းတာ ပါပါတယ်။ အဲဒီထဲက ဝါကျတစ်ကြောင်းက ဒီလိုပါ။

• မေမေသည် ခြင်းတောင်းထဲက မမအား ဘူးသီးတစ်လုံး ယူခိုင်းသည်။

ပုဒ်အထားအသို နားလည်သူတွေက ဒီလို တည့်ဖြေကြပါလိမ့်မယ်။

• မေမေသည် မမအား ခြင်းတောင်းထဲက ဘူးသီးတစ်လုံး ယူခိုင်းသည်။

ဒီလိုကလေးတွေ ထားသို ဖြေဆိုလို့လည်း ရပါသေးတယ်။

• မေမေသည် ခြင်းတောင်းထဲက ဘူးသီးတစ်လုံး မမအား ယူခိုင်းသည်။
• ခြင်းတောင်းထဲက ဘူးသီးတစ်လုံး မမအား မေမေသည် ယူခိုင်းသည်။
• မမအား ခြင်းတောင်းထဲက ဘူးသီးတစ်လုံး မေမေသည် ယူခိုင်းသည်။

အဓိကက ‘ခြင်းတောင်းထဲက ဘူးသီးတစ်လုံး’ ဆိုတာကို တွဲကပ်ထားဖို့ပါပဲ။ နေရာ အထားအသိုပဲ ပြောင်းနိုင်ပြီး စကားလုံးတွေတော့ ပြင်ဆင် ဖြည့်စွက်ခွင့် မရှိတာမို့ ဝါကျကတော့ ချောမွေ့ချင်မှ ချောမွေ့ပါမယ်။
ပြောရရင်တော့ ဒီမေးခွန်းဝါကျဟာ စကတည်းက မှားနေတာမို့ စာဖြေသူက မှားဖြေခဲ့ရင်လည်း အမှန် (အမှတ်ပြည့်) ပေးရမယ့် မေးခွန်း ဖြစ်နေပါတယ်။ ဘာကြောင့်လဲ ဆိုတော့ လက်ခံပြပုဒ် ‘အား’ကို မဆီမဆိုင် ထည့်သုံးထားတာကြောင့် ဖြစ်ပါတယ်။ တကယ် သုံးရမှာက ‘ကို’ ဖြစ်ပါတယ်။

• မေမေသည် ခြင်းတောင်းထဲက မမ’အား’ ဘူးသီးတစ်လုံး ယူခိုင်းသည်။ (မေးခွန်း မှားယွင်း)
• မေမေသည် ခြင်းတောင်းထဲက မမ’ကို’ ဘူးသီးတစ်လုံး ယူခိုင်းသည်။ (ဖြစ်သင့်သော မေးခွန်း)

‘လက်ခံပြပုဒ်’ ‘အား’ကို ခြွင်းချက်အနေနဲ့ အလေးအမြတ်ထားအပ်တဲ့ ပုဂ္ဂိုလ်တွေနဲ့ တွဲသုံးလို့ ရတယ် ဆိုပေမဲ့ ဒီဝါကျမှာ ‘မမ’ဟာ အလေးအမြတ် ထားအပ်တဲ့ ပုဂ္ဂိုလ်မြတ်မျိုး ဟုတ် မဟုတ် ဆိုတာလောက်တော့ မေးခွန်း ထုတ်သူတွေ သိထားသင့်ပါတယ်။ ဆွေးနွေးပြစရာတွေ ရှိသေးပေမဲ့ ရောထွေးကုန်မှာ စိုးလို့ ဒီမျှနဲ့ပဲ …။

အေးကျော်မင်း
၆-၃-၂ဝ၁၉