မြို့နယ်ပြောင်းရွှေ့လာပြီး သန်းခေါင်စာရင်း ပြုလုပ်လိုသူများ ပုံစံ (၁၀) မပါ ရှိပါက မူလမြို့နယ်သို့ ပြန်ယူရန် မလိုတော့

မြို့နယ်ပြောင်းရွှေ့လာပြီး သန်းခေါင်စာရင်း ပြုလုပ်လိုသူများ ပုံစံ (၁၀) မပါ ရှိပါက မူလမြို့နယ်သို့ ပြန်ယူရန် မလိုတော့

မြို့နယ်တစ်ခုမှ အခြားမြို့နယ်တစ်ခုသို့ ပြောင်းရွှေ့လာသူများ သန်းခေါင်စာရင်း (အိမ်ထောင်စုလူဦးရေ စာရင်း) ပြုလုပ်ရာတွင် ပုံစံ (၁၀) မပါရှိပါက ပြောင်းရွှေ့လာသည့် မြို့နယ်သို့ ပြန်လည်စေလွှတ်ခြင်းမပြုတော့ဘဲ ဌာနအချင်းချင်း ချိတ်ဆက် ဆောင်ရွက်စေတော့မည်ဖြစ်ကြောင်း အလုပ်သမား၊ လူဝင်မှုကြီး ကြပ်ရေးနှင့် ပြည်သူ့အင်အားဝန်ကြီးဌာန ပြည်ထောင်စုဝန်ကြီး ဦးသိန်းဆွေက သြဂုတ် ၃ ရက်တွင် ကျင်းပသည့် အမျိုးသားလွှတ်တော်၌ ပြောကြားခဲ့ကြောင်း သိရသည်။

ယခင်က သန်းခေါင်စာရင်းပြုလုပ်ရာတွင် နေရပ်လိပ်စာ ပြောင်းရွှေ့ခြင်းပုံစံဖြစ်သည့် ပုံစံ(၁၀) မပါရှိပါက ပြောင်းရွှေ့လာသူများကို ယခင်နေခဲ့သည့်မြို့နယ်သို့ ပြန်လည်ယူဆောင်ခိုင်းစေခဲ့ရာ ယခုအခါ မူလမြို့နယ်တွင် အိမ်ထောင်စုလူဦးရေစာရင်းအား ပယ်ဖျက်စေပြီး လက်ရှိမြို့နယ်တွင် အိမ်ထောင်စုလူဦးရေစာရင်း ထုတ်ပေးခြင်းကို ဌာနအချင်းချင်း ချိတ်ဆက်ဆောင်ရွက်ပေးတော့မည်ဖြစ်သည်။

သို့ရာတွင် မြို့နယ်တစ်ခုမှအခြားမြို့ နယ်တစ်ခုသို့ ပြောင်းရွှေ့လာသူများအနေဖြင့် သန်းခေါင်စာရင်း ပြုလုပ်ပါက ပုံစံ (၁၀)၊ ဝင်ရောက်နေထိုင်လိုသော လိပ်စာမှန်ကန်ကြောင်း သက်ဆိုင်ရာရပ်ကွက်/ကျေးရွာအုပ်ချုပ်ရေးမှူး ထောက်ခံချက်၊ အိမ်ပိုင်ဖြစ်လျှင် ပိုင်ဆိုင်ကြောင်းအထောက်အထား၊ အိမ် ပိုင်မဟုတ်လျှင် မည်သည့်အခြေအနေဖြင့် နေထိုင်ကြောင်း၊ နေထိုင်လိုသော လိပ်စာမှန်ကန်ကြောင်း သက်ဆိုင်ရာရပ်ကွက်/ကျေးရွာ အုပ်ချုပ်ရေးမှူးရုံး ထောက်ခံချက်တို့ လိုအပ်ကြောင်း သိရသည်။

‘‘ပုံစံ (၁၀) ကို ခါတိုင်းလို ကိုယ်တိုင်သွားယူစရာမလိုတော့ဘူး။ ဒါပေမဲ့ ဌာနအချင်းချင်း မေးမြန်းကြတဲ့ အချိန်လေးတော့ နည်းနည်းယူရတယ်။ သို့သော် ကိုယ် တိုင်သွားမယူရတော့ အများကြီး သက်သာသွားတာပေါ့’’ဟု လွှတ်တော် အစည်းအဝေးအပြီး၌ ဝန်ကြီးက ထပ်မံပြောကြားသည်။

အဆိုပါ ဖြေလျှော့မှုမရှိစဉ်က အိမ်ထောင်စုလူဦးရေ စာရင်းပြုလုပ်ရာတွင် မူလဒေသသို့ ပုံစံ (၁ဝ) ပြန်လည် လုပ်ဆောင်ရသဖြင့် အချိန်ကြန့်ကြာမှုများ ရှိခဲ့သည်။

ယခုကဲ့သို့ ပုံစံ (၁၀) ဖြေလျှော့မှုကို ဝန်ကြီးဌာန၏ ရက် ၁၀၀ စီမံချက်အတွင်း ထည့်သွင်းထားခဲ့ခြင်း ဖြစ်သော်လည်း ရက် ၁၀၀ အလွန်တွင် ဆက်လက်ထားရှိမည်ဖြစ်ကြောင်း ဝန်ကြီးက ပြောကြားသည်။
credit-
Posted On Legalsearchnews-ဥပဒေရေးရာသုတအဖြာဖြာ