ကိုရီးယားနိုင်ငံတွင် E9 ဗီဇာဖြင့် အလုပ်လုပ်ကိုင်နေသည့် မြန်မာ အလုပ်သမား တစ်ဦး၏ မြန်မာနိုင်ငံရှိ ဇနီးဖြစ်သူ ကိုယ့်ကိုယ်ကိုယ် ဓာတ်ဆီလောင်း မီးရှို့သေဆုံး

ကိုရီးယားနိုင်ငံတွင် E9 ဗီဇာဖြင့် အလုပ်လုပ်ကိုင်နေသည့် မြန်မာ အလုပ်သမား တစ်ဦး၏ မြန်မာနိုင်ငံရှိ ဇနီးဖြစ်သူ ကိုယ့်ကိုယ်ကိုယ် ဓာတ်ဆီလောင်း မီးရှို့သေဆုံး

Sunday, March 17, 2019

ဒဂုံမြို့သစ်(တောင်ပိုင်း)မြို့နယ်တွင် ကိုရီးယားနိုင်ငံ၌ အလုပ် လုပ်ကိုင်နေသော ခင်ပွန်းဖြစ်သူနှင့်ဖုန်းပြောရာမှ စကားများရန်ဖြစ်ခဲ့သည့်အမျိုးသမီး မိမိကိုယ်ကိုယ် ဓာတ်ဆီလောင်းမီးရှို့ပြီး သေဆုံးသွားကြောင်း သိရသည်။

ဖြစ်စဉ်မှာ ရန်ကုန်တိုင်းဒေသကြီး၊ အရှေ့ပိုင်းခရိုင်၊ ဒဂုံမြို့သစ်(တောင်ပိုင်း)မြို့နယ်၊ (၁၀၇) ရပ်ကွက်နေ မမိုးခိုင်၊ (၃၄)နှစ် သည် ကိုရီးယားနိုင်ငံ၌အလုပ်လုပ်ကိုင်နေသည့် ၎င်း၏ခင်ပွန်းဖြစ်သူကိုမင်းနိုင်နှင့် ဖုန်းပြောပြီး အဆင်မပြေဖြစ်ရာမှ မတ်လ ၁၆ ရက်၊ နံနက် ၁၀ နာရီ ၂၀ မိနစ်ခန့်က အဆိုပါရပ်ကွက်ရှိ မြဝတီမင်းကြီး လမ်းမ၌ ကိုယ့်ကိုယ်ကိုယ် ဓာတ်ဆီလောင်းမီးရှို့ခဲ့ကြောင်း ဒဂုံမြို့သစ်(တောင်ပိုင်း)မြို့မရဲစခန်းမှ သိရသည်။

“သူတို့လင်မယားချင်း ဖုန်းနဲ့စကားပြောပြီးရန်ဖြစ်တယ်ပေါ့။ သူ့ရဲ့ယောက်ျားက ကိုရီးယားမှာ အလုပ်လုပ်တယ်။ အဲဒီလိုရန်ဖြစ်ပြီးတော့ သူ့ကိုယ်သူဓာတ်ဆီလောင်းမီးရှို့ခဲ့တယ်” ဟု ဒဂုံမြို့သစ်(တောင်ပိုင်း)မြို့မရဲစခန်းမှ တာဝန်ရှိသူတစ်ဦးက အကုန်သိသတင်းဌာနသို့ ပြောသည်။

မမိုးခိုင်သည် မိမိကိုယ်ကို ဓာတ်ဆီလောင်းမီးရှို့ခဲ့သဖြင့် ခန္ဓာကိုယ်မီးလောင်ကျွမ်း ဒဏ်ရာများ(စိုးရိမ်ရ)ရရှိခဲ့ပြီး သင်္ဃန်းကျွန်း(စံပြ)ဆေးရုံတွင် ဆေးကုသမှုခံယူနေစဉ် ည ၈ နာရီ ၄၀ မိနစ်ခန့်၌ သေဆုံးသွားကြောင်း သိရသည်။

အဆိုပါဖြစ်စဉ်နှင့်ပတ်သက်၍ မမိုးခိုင်၊ (၃၄)နှစ်ကို ဒဂုံမြို့သစ်(တောင်ပိုင်း)မြို့မရဲစခန်း၌ (ပ)၁၂၆၉/၂၀၁၉၊ ရာဇသတ်ကြီးပုဒ်မ- ၃၀၉(မိမိကိုယ်ကိုယ်သေကြောင်းကြံစည်မှု)ဖြင့် အမှုဖွင့်စစ်ဆေးနေကြောင်း သိရသည်။

ပြန်လည်မျှဝေပါသည်။

စိတ်မကောင်းခြင်းများစွာဖြင့်
YNHT(KOREA)🇰🇷