ကမ္ဘာ့ကိုရင်များနေ့

ကမ္ဘာ့ကိုရင်များနေ့

•••••••••••••••••

“ကမ္ဘာ့ကိုရင်များနေ့” ဆိုပါလား။
သာသနာအတွက် ကြိုဆိုရမည့် နေ့ထူးနေမြတ်ပဲ ဖြစ်ပါတယ်။

ဧပြီလ( ၅ ) ရက်နေ့ ကို “ကမ္ဘာ့ကိုရင်များနေ့ ” ဟု သတ်မှတ်ပြီး ထိုင်းနိုင်ငံမှကလေး ( ၁၀ )သိန်းကို ကိုရင်ဝတ်ပေးသတဲ့။

မြန်မာနိုင်ငံမှာ တစ်နှစ်ပြီးတစ်နှစ် သံဃာများ လျော့နည်းနေသောကြောင့် အနာဂတ်အတွက် ရင်လေးစရာ ကောင်းလှပေသည်။

သံဃာဦးရေ ကျဆင်း
_____________

လွန်ခဲ့သော ၁၀- နှစ်ကျော်က မြန်မာနိုင်ငံတွင် သံဃာဦးရေ ၅- သိန်းကျော် ရှိခဲ့၏။ အင်မတန်မှ အားရစရာ ကောင်းလှပေသည်။

ယခု အချိန်မှာတော့ သံဃာဦးရေ ၃- သိန်းကျော်သာ ကျန်ရှိတော့ကြောင်း သိရှိရပေသည်။

တချို့က “အရေအတွက်က အရေးမကြီးပါ၊ အရည်အချင်းကသာ အရေးကြီးပါသည်” ဟု ပြောကြ၏။

အမှန်တကယ်ကား အရေအတွက်ကော၊ အရည်အချင်းပါ ၂- မျိုးလုံး အရေးကြီးပါသည်။

မြန်မာနိုင်ငံတွင် ဘုန်းကြီးကျောင်း ၆- သောင်းကျော် ရှိသောကြောင့် ကျောင်းထိုင်ဘုန်းကြီး ၆- သောင်း ရှိရမည် ဖြစ်သည်။ ဤကား မဖြစ်မနေ လိုအပ်သော အရေအတွက်တည်း။ ထို့ကြောင့် အရေအတွက်ကား အရေးမကြီးဟု ပြောလို့ မရပါ။

ဆိုလိုသည်ကား လိုအပ်သည့် အရေအတွက်လည်း ရှိဖို့လိုအပ်သကဲ့သို့ လိုအပ်သည့် အရည်အချင်းလည်း ပြည့်ဝဖို့ လိုအပ်လှပေသည်။

နမူနာ ယူသင့်
________

ယခုအချိန်၌ သံဃာအရေအတွက်မှာ သိသိသာသာ ကျဆင်းလျက် ရှိနေသောကြောင့် တချို့ စာသင်တိုက်ကြီးများရှိ ကျောင်းဆောင်များမှာ တံခါးပိတ်ထားရပေသည်။

ထို့ကြောင့် ထိုင်းနိုင်ငံကို နမူနာယူပြီး မြန်မာနိုင်ငံ ဒေသအသီးသီးတွင် “ကမ္ဘာ့ကိုရင်များနေ့”မှာ စုပေါင်း၍ ကလေးသူငယ်များကို ကိုရင်ဝတ်ပေးသင့်လှပေသည်။

ထပ်ဆင့်
မုံရွာ
ကိုကိုမောင်