ခြေဖနောင့်ကွဲနာပျောက်ဖို့

ခြေဖနောင့်ကွဲနာပျောက်ဖို့

ပြန်လည် ကူယူမျှဝေပါသည်

~~~~~~~~~~
ကိုကံမြင့်တစ်ယောက် ခြေဖနောင့်နာနေလို့ လမ်းကောင်းကောင်းမလျှောက်နိုင်ဖြစ်နေတယ်။
အလှူပွဲ၊ ထိမ်းမြားမင်္ဂလာပွဲ၊ နာရေးကိစ္စ ဘယ်မှမသွားနိုင်။ ဇနီးနှင့်သားသမီးတွေကိုသာ လွှတ်နေရတယ်။
ကျနော်နဲ့တွေ့ပြီ့း သူကဆေးနည်းတောင်းတယ်။
ခုတော့ ကျနော်ပေးတဲ့ဆေးနည်းနဲ့ သက်သာသွားတယ်တဲ့။
ဆေးနည်းပေးခ ငွေတစ်ပြားမှမရပေမယ့် ပီတိဖြစ်ရတာကတော့ အမှန်ပါ။
…. …. … …. …

ကျနော်က ဆေးတွေပေးတတ်ပါတယ်။ အမှန်ပြောရ ထိုးဆေး၊စားဆေးတွေနဲ့ ရမ်းကုလုပ်မယ်ဆိုရင်တောင်
လုပ်တတ်တယ်။
ဗန်းမောက်ရွှေမှော်၊ တနိုင်းရွှေမှော်များတွင်နေခဲ့စဉ်က လောပန်းများခိုင်းစေချက်အရ(အလုပ်လည်းသက်သာလို့) ဒေါက်တာရမ်းကုအဖြစ်
ခပ်တည်တည်ကြီးလုပ်နေခဲ့ဖူးပါသေးတယ်။😁😁😁😁
မည်သို့ဆိုစေ ဒီလိုလုပ်နိုင်တာဟာ စာဖတ်တဲ့အကျိုးကြောင့်ပါ။
ခုပြောပြတဲ့ ခြေဖဝါးနာပျောက်ဆေးကလည်း စာဖတ်ရင်းရလာတဲ့ဗဟုသုတပါ ။
စာမဖတ်၊ ဗဟုသုတမရှာခဲ့ရင် ခုလိုကူညီနိုင်မှာမဟုတ်။

….
ကိုကံမြင့်လိုခြေဖဝါးကွဲပြီး သွားလာရေးခက်ခဲလို့ စိတ်ဆင်းရဲနေရသူများအတွက်လည်း ဒီနည်းလေးလုပ်ကြည့်ကြပါ။ ကံကောင်းရင်တော့ပျောက်နိုင်ပါတယ်။
မပျောက်ရင်လည်း ဘေးမဖြစ်နိုင်လို့ စိတ်ချသုံးနိုင်ပါတယ်။

ဆေးနည်းများ-
ဆေးနည်း(၁)
ဇွန်ပန်းရွက်(ဇွန်ပန်းက စံပယ်နဲ့မျိုးရင်းတူတယ်)ကို
ညှက်ညှက်ကြိတ်ပြီး ကွဲအက်ရာထဲသိပ်ပေးပါ ။
စိတ်ရှည်ရှည်လုပ်ပါ။ ဆယ်ရက်ခန့်နဲ့သက်သာနိုင်ပါတယ်။

ဆေးနည်း(၂)
ညအိပ်ယာဝင်ခါနီးတွင် ခြေထောက်အား ရေစင်အောင်ဆေးပါ။ ဒူးခေါင်းမှစ၍ ကြာကြာလေးလောင်းဆေးပေးသင့်သည်။
ထို့နောက် ရေစင်အောင်သုတ်ပါ။
ကွမ်းရွက်စိုတစ်ရွက်ကို မကျည်းမှည့်အနှစ်အနည်းငယ်နဲ့ရောကြိတ်။
ကွဲနေတဲ့အရာထဲထည့်သိပ်လိမ်းပေးပါ ။ဤကဲ့သို့ ညစဉ် လုပ်ပေးပါက တစ်ပတ်အတွင်းတွင် သက်သာပျောက်ကင်းနိုင်ကြောင်း သိရပါသည်။ ။

ဆေနည်း(၃)
ငှက်ပျောသီးမှည့်ကို အခွံပါပါအောင်ပြုတ်၍ နေ့စဉ်စားသုံးပေးခြင်း၊ ငှက်ပျောခွံအတွင်းသားဖြင့် ကွဲအက်ရာထဲသို့ ပွတ်လိမ်းပေးခြင်းတို့ဖြင့်လည်း ခြေဖနောင့်ကွဲအက်ဒဏ်ရာအား တစ်ဖြည်းဖြည်းပျောက်ကင်းသက်သာစေနိုင်သေးသည်ဟု ဆို၏။

အထက်ပါဆေးနည်းများသုံးစွဲနေစဉ်အတွင်း နေ့စဉ် ခြေဖဝါးအား ရေနွေးစိမ်ကာ၊ ပွထနေသောဆဲလ်သေများကို တိုက်ချွတ်ဖယ်ရှားပေးပါက ၊ နာကျင်မှုကိုသက်သာစေပြီး လမ်းလျှောက်ရလည်းအဆင်ပြေစေပါလိမ့်မည်။ ။

“ဘေးဘယာ ဝေးကွာကြပါစေ”

ပြည့်စုံမင်းလွင်(ပင်လည်ဘူး)