မဖျက်ဆီးသင့်သော ဒီရေတော (၁)

မဖျက်ဆီးသင့်သော ဒီရေတော (၁)

======================
သိပ္ပံစာရေးဆရာကိုကိုအောင်

▼▼ ဒီရေရောက်တောများ▼▼
► ကမ္ဘာအရပ်ရပ်ရှိ ပင်လယ်ကမ်းရိုးတန်းဒေသများ တွင် ဒီရေရောက်တောများကို နေရာအနှံ့ တွေ့ရှိ နိုင်သည်။ အထူးသဖြင့် ဖွံ့ဖြိုးမှုနောက်ကျသော ဒေသများရှိ ပင်လယ်ကမ်းရိုးတန်းဒေသများ၌ ရှည်လျားကျယ်ပြန့်လှသော ဒီရေရောက်တော များကို တွေ့မြင်နိုင်သည်။

▼▼ဒီရေရောက်တောများ လျော့နည်းလာခြင်း▼▼
► ကမ်းရိုးတန်းဒေသများ ဖွံ့ဖြိုးလာသည့်အခါ ရေနက်ဆိပ်ကမ်းများ တည်ဆောက်ခြင်း၊ ဒီရေလှိုင်းကိုသုံး၍ လျှပ်စစ်ဓာတ်အားထုတ်လုပ်ခြင်း၊ ပင်လယ်ကမ်းခြေ အပန်းဖြေစခန်းများ တည်ဆောက်ခြင်း၊ အဆင့်မြင့်ရေထွက်ပစ္စည်း ထုတ်လုပ်ခြင်း၊ ပင်လယ်ကမ်းခြေအားကစားရွာများ တည်ဆောက်ခြင်း၊ သင်္ဘောဆိပ်များ တည်ဆောက်ခြင်းစသည့် ဖွံ့ဖြိုးရေးဆိုင်ရာ လုပ်ငန်းများကို လုပ်ဆောင်လာကြသည့်အတွက် ဒီရေရောက် တောများကို ခုတ်ထွင်ရှင်းလင်းလေ့ရှိကြသည်။ ထို့ကြောင့်ပင်လျှင် ဖွံ့ဖြိုးမှုအရှိန်အဟုန်ကောင်းသော ပင်လယ်ကမ်းခြေများ၌ ဒီရေရောက်တောများကို တွေ့မြင်ရမှု လျော့နည်းသွားခြင်းဖြစ်ပေသည်။

▼▼ဒီရေတောသစ်ပင်များ၏ သဘာဝ▼▼
► ဒီရေရောက်တောများ၌ ပေါက်ရောက်နေကြ သည့် အပင်များ၏ ထူးခြားသော အမြစ်ဖွဲ့စည်းပုံ သည် ရည်ရွယ်ချက်ရှိရှိဖြင့် မြေလှန်ဖျက်ဆီးခြင်းမျိုးမှတစ်ပါး အကြောင်းအမျိုးမျိုးကြောင့် ဖြစ်ပေါ်လာသည့် သဘာဝဘေးအန္တရာယ်ကြောင့် ဒီရေရောက်တောများ လွယ်လင့်တကူ ပျက်စီး ပြုန်းတီးသွားခြင်းမရှိအောင် ကာကွယ်ပေးထား လျက်ရှိသည်။
► ပင်လယ်ကမ်းစပ်ရှိ နုန်းမြေများထဲ၌ မြဲမြံစွာ ထိုးစိုက်တည်ရှိနေရုံမျှမက ဒီရေတက်လာသည့် အခါ၌လည်း လေကိုစုပ်ယူနိုင်ရန်အတွက် ရွှံ့နွံ မျက်နှာပြင်ပေါ်သို့ သိသာစွာ ထိုးထိုးထောင်ထောင် ထွက်ပေါ်နေသော အမြစ်များကြောင့် ဒီရေရောက် တောများသည် ကမ္ဘာပေါ်၌ ပေါက်ရောက် ရှင်သန်လျက်ရှိသော သစ်ပင်မျိုးစိတ်များအနက် အလွန်ထူးခြားသည့် အပင်များဖြစ်သည်ဟု ဆိုရပေမည်။
► ဒီရေရောက်တောများပေါက်ရောက်ရာ နေရာ ဒေသ အနေအထားအရ သာမန်အချိန်များတွင် ပင်လယ်ထဲ သို့စီးဝင်သော မြစ်ချောင်းများ၏ မြစ်ရေ ချောင်းရေများ ဖြတ်သန်းစီးဆင်းမှုကို ခံနေရသလို ဒီရေတက်ချိန်၌လည်း ပင်လယ်ရေ ၏ ဖုံးလွှမ်းမှုကို မကြာခဏဆိုသလို ခံကြရသည်။ ရွှံ့နွံများအတွင်း၌ ရှင်သန်ပေါက်ရောက်နေကြသော ဒီရေရောက်တောများသည် ရေချိုနှင့် ရေငန် နှစ်မျိုးစလုံး၏ ဖုံးလွှမ်းမှုဒဏ်ကိုခံနိုင်သော အရည်အသွေးနှင့် ပြည့်စုံရုံမျှမက ရေ၏ ချဉ်ဖန်နှုန်းပြောင်းလဲမှုဒဏ်ကိုပါ ခံနိုင်သော အစွမ်းသတ္တိနှင့်လည်း ပြည့်စုံကြသည်။

▼▼သဘာဝ၏ လက်ဆောင်မွန်များ▼▼
► ဒီရေရောက်တောများကို သာမန်အမြင်ဖြင့် ကြည့်လျှင် ပင်လယ်ကမ်းစပ်များ၌ အလေ့ကျ ပေါက်ရောက်နေကြသော တန်ဖိုးမဲ့ သစ်ပင်များ ဟုသာ ထင်ရသော်လည်း တကယ့်လက်တွေ့၌မူ လူနှင့် သတ္တဝါတို့၏ အကျိုးစီးပွားကို ဘက်စုံ ထောင့်စုံမှ ထိထိရောက်ရောက် ကာကွယ်ပေးနေ ကြသော သဘာဝ၏လက်ဆောင်မွန်များသာ ဖြစ်သည်ကို တွေ့ရှိကြရမည်ဖြစ်သည်။

▼▼သဘာဝဘေးမှ ကာကွယ်ပေး▼▼
► ဒီရေရောက်တောများသည် ဒီရေလှိုင်းများ၏ ရိုက်ခတ်မှုဒဏ်ကို ကောင်းစွာ ခံနိုင်ရည်ရှိသည့် အတွက် ကမ်းပြိုခြင်းမှ ကာကွယ်ပေးထားလျက် ရှိသည်။ ထူးခြားသည့် အမြစ်ဖွဲ့စည်းပုံများနှင့် အုပ်စုဖွဲ့ ပေါက်ရောက်နေမှုတို့ကြောင့်လည်း မြေ တိုက်စားမှုကို တားဆီးကာကွယ်ပေးထားလျက် ရှိသည်။ ရေတက်ချိန်နှင့် ရေပြန်ကျချိန်များ၌ ပင်လယ်ကမ်းနဖူးကို ဒီရေ၏ ဖျက်ဆီးမှုမှလည်း ကောင်းစွာ ကာကွယ်ပေးထားသလို မုန်တိုင်း နှင့် လေပြင်းများ တိုက်ခတ်သည့်ဒဏ်မှလည်း အကာအကွယ်ပြုထားပေး လျက် ရှိသည်။
► ယုတ်စွအဆုံး အဖျက်စွမ်းအား လွန်စွာ ကြီးမားလှသော ဆူနာမီလှိုင်းတံပိုးကြီးများ ကမ်းခြေသို့ဝင် ရောက်ချိန်၌ပင် လှိုင်း၏အရှိန်ကို များစွာလျော့ကျစေခြင်းဖြင့် လူနှင့်သတ္တဝါတို့၏ အသက်အိုးအိမ်ကို တတ်နိုင်သမျှ စောင့်ရှောက် ကာကွယ်ပေးထားလျက် ရှိသည်။ ရေနေသတ္တဝါ များအတွက် သာမက ရေလုပ်သားများအတွက်ပါ အန္တရာယ်ဖြစ်စေနိုင်သော ခဲနှင့် အာဆင်းနစ် စသည့် အဆိပ်အတောက်များကိုလည်း ဒီရေတော သစ်ပင်များက စုပ်ယူပေးထားနိုင်စွမ်း ရှိကြသည်။

▼▼ဒီရေရောက်တောမှ သယံဇာတများ▼▼
► ဒီရေရောက်တောများသည် ရေချိုငါးနှင့် ပုစွန်များ၊ ရေငန်ငါးနှင့်ပုစွန်များ၊ ရေချိုနှင့်ရေငန် နှစ်မျိုးစလုံး၌ ရှင်သန်သော ငါး၊ပုစွန်စသည်တို့၏ မှီခိုကျက်စားရာ၊ ဥချရာ၊ သားပေါက်ရာ၊ မျိုးပွား ရာ အသိုက်အမြုံကြီးတစ်ခုလည်း ဖြစ်သည်။ ဒီရေရောက်တောများ၌ ငါး၊ ပုစွန်များသာမက ဝက်ဝံ၊ ရှဥ့်၊ ဖျံ စသည့် သတ္တဝါများပါ မှီခိုရှင်သန် နေထိုင်ကျက်စားလျက်ရှိနေသည့်အတွက် ငါး နှင့် ပုစွန်များ၊ သားရဲတိရ္ဆာန်တို့၏ သားရေ၊ အရိုးနှင့်အစွယ်များစသည့် ရေထွက်သယံဇာတ များနှင့် သစ်တောသယံဇာတများကိုလည်း ဒီရေရောက်တောများ၌ ထုတ်ယူရရှိနိုင်သည်။

မဖျက်ဆီးသင့်သော ဒီရေတော (၂)
======================
သိပ္ပံစာရေးဆရာကိုကိုအောင်

▼▼ဒီရေတောများကို ပျက်စီးစေသော အကြောင်းရင်းများ▼▼
► ကမ္ဘာအရပ်ရပ်တွင် ဒီရေရောက်တောများ သည် အကြောင်းအမျိုးမျိုးကြောင့် ပျက်စီး ပြုန်းတီးလျက် ရှိနေကြသည်။ စိုက်ပျိုးမြေများ ချဲ့ထွင်ခြင်း၊ လူနေမြို့ရွာများ ချဲ့ထွင်ခြင်း၊ ကမ်း ခြေစီမံကိန်းများ ပြုလုပ်ခြင်း စသည်တို့သည် ဒီရေတောများကို ပျက်စီးပြုန်းတီးစေသော အကြောင်းရင်းများဖြစ်ကြသည်။
► ထို့ပြင် ဆားကွင်းများဖော်ထုတ်၍ ပင်လယ် ကမ်းခြေဆားချက်လုပ်ငန်း လုပ်ကိုင်ခြင်းကြောင့် လည်း ဒီရေရောက်တောများကို ဖျက်ဆီးခြင်း ခံကြရသလို သစ်ထုတ်လုပ်မှုကို အလွန်အကျွံ ဆောင်ရွက်ခြင်းများ ကြောင့်လည်း ဒီရေရောက် တောများ ပြုန်းတီးနေကြရသည်။

▼▼ဒီရေတောများကို သွယ်ဝိုက်ပျက်စီးစေသော အကြောင်းရင်းများ▼▼
► အလားတူပင် စက်မှုလုပ်ငန်းများ ဖွံ့ဖြိုး တိုးတက်လာခြင်းကြောင့် စွန့်ပစ်ပစ္စည်းများနှင့် ဓာတုအညစ်အကြေးများ စုပုံလာခြင်းသည် လည်း ဒီရေရောက်တောများကို ပျက်စီးစေသော အကြောင်းရင်းများဖြစ်ကြသည်။ ခေတ်သစ် စိုက်ပျိုးရေးလုပ်ငန်းများ၌ အလွန်အကျွံ သုံးစွဲ နေကြသော ဓာတ်မြေသြဇာ အကြွင်းအကျန် များက စိုက်ခင်းများမှတစ်ဆင့် ရေစီးကြောင်းနှင့် လိုက်ပါလျက် ဒီရေရောက်တောများတွင် လာ ရောက်စုဝေးနေကြခြင်းသည်လည်း ဒီရေရောက် တောများကို ဖျက်ဆီးနေသော အကြောင်း ရင်းများ ဖြစ်ကြသည်။
► ပင်လယ်ကမ်းပြိုခြင်းနှင့် ရေတိုက်စားခြင်း များသည် ဒီရေရောက်တောများကို သွယ်ဝိုက် သောနည်းဖြင့် ပျက်စီးစေနိုင်သော အကြောင်း ရင်းများ ဖြစ်ကြသည်။ ပင်လယ်ရေအောက်ရှိ သ္တာကျောက်တန်းများသည် အောက်လွှာ ရေစီးကြောင်းနှင့်အတူ မျောပါလာသော နုန်းနှင့် အနည်အနှစ်များကို စစ်ထုတ်ပေးနေကြသည့် အားလျော်စွာ အကယ်၍ သန္တာကျောက်တန်း များ ပျက်စီးသွားမည်ဆိုပါကလည်း နုန်းနှင့် အနည်အနှစ်များကို စစ်ထုတ်ပေးခြင်းမပြုနိုင် တော့သည့်အတွက် အဆိုပါ နုန်းအနည်အနှစ် များအားလုံးသည် ဒီရေရောက်တောများ၌ လာရောက်စုပုံနေခြင်းဖြင့် ဒီရေရောက်တော များ၏ ရှင်သန်ပေါက်ရောက်ဖွံ့ဖြိုးမှုကို သိသာ စွာ ထိခိုက်စေလိမ့်မည် ဖြစ်သည်။
► ပင်လယ်ပြင်၌ ခုတ်မောင်းသွားလာလျက်ရှိ ကြသော ရေနံနှင့် ဓာတုပစ္စည်းများ တင်ဆောင်ထားသည့်သင်္ဘောများ နစ်မြုပ်ပျက်စီးသည့် အခါနှင့် ရေနံဓာတုပစ္စည်းများ ယိုဖိတ်သည့် အခါမျိုးများ၌လည်း ပင်လယ်ရေပြင်ပေါ်၌ စုပုံ မျောပါနေသော ရေနံနှင့် ဓာတုပစ္စည်းများသည် ပင်လယ်ကမ်းစပ်ရှိ ဒီရေရောက်တောများ၌ လာရောက်စုစည်းကြလေ့ရှိကြသည်။ ဤဖြစ်ရပ် မျိုးသည်လည်း ဒီရေရောက်တောများကို ပျက်စီးပြုန်းတီးစေနိုင်သော သွယ်ဝိုက်သည့် အကြောင်းတရားများ ဖြစ်ကြသည်။
► ကမ္ဘာကြီးပူနွေးလာခြင်းကြောင့် ဝင်ရိုးစွန်း ရေခဲလွှာများ ထုထည်ပမာဏများပြားစွာ အရည်ပျော်ကျကာ ပင်လယ်ရေမျက်နှာပြင် မြင့်တက်လာခြင်းသည်လည်း ဒီရေရောက်တောများကို အစုလိုက်အပြုံလိုက် ပျက်သုဉ်းသွားစေမည့် အကြောင်းရင်းများ ဖြစ်ကြသည်။

▼▼ကမ္ဘာကြီးပူနွေးလာမှုနှင့် ဒီရေတောများ▼▼
► ကမ္ဘာ့အပူပိုင်းဒေသ၌ ပေါက်ရောက်နေ ကြသော ဒီရေရောက်တောများသည် အခြား ဒေသများရှိ သစ်တောများထက် ကာဗွန်ဒိုင် အောက်ဆိုက်ကို ပိုမိုစုပ်ယူ သိုလှောင်ပေးထား နိုင်ကြသည်။ ကမ္ဘာ့အပူပိုင်းဒေသရှိ သစ်တော ဧရိယာ၏ ဝ ဒသမ ၇ ရာခိုင်နှုန်းသည် ဒီရေရောက် တောများဖြစ်ကြပြီး အပူပိုင်း မုတ်သုံသစ်တော များထက် ဖန်လုံအိမ်အာနိသင်ဓာတ်ငွေ့ဖြစ် သော ကာဗွန်ဒိုင်အောက်ဆိုက်ကို နှစ်ဆမှ လေးဆခန့်အထိ ပိုမိုစုပ်ယူ သိုလှောင်ပေးထား ကြခြင်းဖြင့် ကမ္ဘာကြီးပူနွေးလာမှုကို လျော့ကျ အောင် စွမ်းဆောင်ပေးလျက်ရှိနေကြသည်။
► သို့ရာတွင် ဒက္ခိဏယဉ်စွန်းတန်းနှင့် ဥတ္တရ ယဉ်စွန်းတန်းကြား ပင်လယ်ကမ်းရိုးတန်းဒေသ တစ်လျှောက်ရှိ ဒီရေရောက်တောများ၏ စုစု ပေါင်းဧရိယာသည် ကမ္ဘာ့လူဦးရေတိုးပွားလာမှု ကြောင့် လွန်ခဲ့သော ရာစုနှစ်ဝက်အတွင်းက သုံးဆယ်ရာခိုင်နှုန်းမှ ငါးဆယ်ရာခိုင်နှုန်းအထိ ယုတ်လျော့ကျဆင်းသွားခဲ့သည်။

▼▼ ဒီရေရောက်တောများ ပျက်စီးသွားခဲ့လျှင်▼▼
► အကယ်၍ ကမ္ဘာပေါ်ရှိ အပူပိုင်းဒေသ ဒီရေ ရောက်တောများအားလုံး ပျက်စီးသွားခဲ့မည် ဆိုလျှင် တစ်ကမ္ဘာလုံးရှိသစ်တောများ ပြုန်းတီး မှုကြောင့် ထွက်ပေါ်လာမည့် ကာဗွန်ဓာတ်ငွေ့ စုစုပေါင်း၏ တစ်ဆယ်ရာခိုင်နှုန်းနှင့်ညီမျှသော ပမာဏကို လေထုထဲသို့ ပြန်လည်ထုတ်လွှတ် လိမ့်မည်ဖြစ်သည်။ ထိုအခါ ကမ္ဘာကြီးကလည်း ပိုမိုဆိုးရွားပြင်းထန်စွာ ပူပြင်းလာလိမ့်မည်ဖြစ် သည်။
► သို့ဖြစ်၍ လူနှင့်သတ္တဝါတို့၏ အကျိုးစီးပွားကို ထိရောက်စွာ ကာကွယ်ပေးနေသော၊ ကမ္ဘာကြီး ပူနွေးလာမှုကို ဟန့်တားပေးထားနိုင်စွမ်းရှိသော၊ ရေထွက်သယံဇာတနှင့် သစ်တောထွက်သယံဇာတ များကို ထုတ်လုပ်ပေးနေသော၊ အန္တရာယ်ရှိ အဆိပ်အတောက်များကို စုပ်ယူ စစ်ထုတ်ပေး နိုင်စွမ်းရှိသော ဒီရေရောက်တောများ ပြုန်းတီးသွားခြင်းမရှိဘဲ ထာဝရ ရှင်သန်ဖွံ့ဖြိုးနေအောင် ထိန်းသိမ်းစောင့်ရှောက် သွားကြရမည်သာ ဖြစ်ပေသည်။

၃၀-၈-၂၀၁၈(မြန်မာ့အလင်း)

Photo credit to all original uploads.