ဇွန်၊ ဇူလိုင်လား ” ၊ ” ဂျွန်၊ ဂျူလိုင်လား

ဇွန်၊ ဇူလိုင်လား ” ၊ ” ဂျွန်၊ ဂျူလိုင်လား

(မောင်သာနိုး)

Desh ဆိုတာ – ဒေသ

ဥပမာ –

Bengladesh – ဘင်္ဂလားဒေသလို့ ဆိုရမယ်။
ဘင်္ဂလားဒေ့ရ်ှလို့ ဘာသာမပြန်ရဘူး။

ရောမအက္ခရာ Siha, Sinha, Singha – သီဟ

ဒါကြောင့် အိန္ဒိယအမျိုးသားတွေရဲ့အမည် Singh ကို ဆင်းလို့ ဘာသာမပြန်ရဘူး။ သီဟလို့ ဘာသာ ပြန်ရတယ်။

Singha Beer သည်လည်း ဆင်းဂါး ဘီယာမဟုတ်ဘူး။ သီဟ ဘီယာ ဖြစ်ရမယ်။

Singapore ဆိုတာ Singapura ဖြစ်လို့ သိံဟပူရ သို့မဟုတ် သီဟပူရ လို့ ရေးရမယ်။

နတ်သား နတ်သမီးတွေ နေထိုင်တဲ့နေရာကို ပါဠိလို ဝိမာနလို့ ခေါ်တယ်။

ရောမအက္ခရာနဲ့ ရေးရင် Vimana ၊ မြန်မာ မှာ “ဝ” က “ဗ” လို့ ပြောင်းသွားပြီး ဗိမ္မာန်ဖြစ်သွားတယ်။

ဒီလိုနဲ့ ဘင်္ဂလဒေသက လေယာဉ် ကုမ္ပဏီထောင်တော့ ဝိမာန အမည်ကို ယူခဲ့ကြတာ၊ မြန်မာမှာလို V ကို B ပြောင်းပြီး Biman လို့ ခေါ်ကြတယ်။

မြန်မာလိုဆိုရင် ဗိမ္မာန် ပဲ။ ဒါကို ဘီမန်း ရေးရင် မှားပြီ။

ရှေးမြန်မာကြီးတွေဟာ Europe ရဲ့ မူရင်းက Europa ဆိုတာ သိတာမို့ ဥရောပလို့ လုပ်ခဲ့ကြတယ်။ မြန်မာလို ယူးရုပ်လို့ မသုံးခဲ့ကြဘူး။

အလားတူ Rome ရဲ့ မူရင်းက Roma မို့ ရောမလို့ ရေးခဲ့၊ သုံးခဲ့ကြတယ်၊ ရုမ်းလို့ မသုံးခဲ့ကြဘူး။ ဒါကို ယူးရုပ်လို့ ရုမ်းလို့ သုံးနေကြရင် လွဲပြီ။

ဒီသဘောကို ယူတာတွေထဲ Antartica ကို အန္တာတိကလို့ မြန်မာမှု ပြုအပ်တယ်။ Romantika ကို ရောမန္တိကလို့ မြန်မာမှု ပြုရမယ်။ အင်္ဂလိပ်ကို ဆရာတင်ပြီး အန်တာတစ်၊ ရိုမန်းတစ် မလုပ်သင့်ဘူး။

အထူးသဖြင့် ရှေးမြန်မာကြီးများ ပညာသားပါပါ အက္ခရာဖလှယ်ထားခဲ့ကြတဲ့ အာရှ၊ အာဖရိက၊ အမေရိက၊ သြစတြေးလျ၊ ဗြိတိန်၊ အင်္ဂလန်၊ တူရကီ စတာတွေကို လူတတ်ကြီးလုပ်ပြီး အေးရှား၊ အက်ဖရိက၊ အမဲရီးကား၊ အော်စတေးလီယား၊ ဘရစ်တိန်၊ အင်ဂလင်၊ တာကီ စသဖြင့် မပြင်သင့်ဘူး။

အမေရိကန်က သာသနာပြုဖို့ ရောက်လာတဲ့ ဆရာယုဒသန်ဟာ မြန်မာကြီးတွေရဲ့ ဒီအကျင့်ကို သွားပြီး တွေ့ခဲ့ပုံ ရတယ်။ ဒါကြောင့် ဗမာစကားသင်ပြီး ခရစ်ယာန်အမည်တွေကို ဗမာလိုချရေးတဲ့အခါ အင်္ဂလိပ်စကားကို မလိုက်၊ မူရင်း ဟေဗြဲဟေသလအတိုင်းသာ မြန်မာမှုပြုခဲ့တော့တယ်။

ဂျီးဆပ်စ် မဟုတ်၊ ယေရှု။

ခရိုက်စ်တ် မဟုတ်၊ ခရစ်တော်။

မက်သယူး မဟုတ်၊ မဿဲ။

သူ့နာမည်ကိုတောင် ဂျပ်ဒ်ဆန်လို့ မရေးဘဲ ယုဒသန် လို့ လုပ်ပစ်ခဲ့တယ်။

ဒီလိုနည်းနဲ့ ကမ္ဘာ့ပြက္ခဒိန်ရဲ့လတွေဟာ မြန်မာ ဘာသာစကားထဲ ရောက်လာခဲ့ကြတာပဲ။

ဇန်နဝါရီ၊ ဖေဖော်ဝါရီ၊ မတ်၊ ဧပြီ၊ မေ၊ ဇွန်၊ ဇူလိုင်၊ သြဂုတ်၊ စက်တင်ဘာ၊ အောက်တိုဘာ၊ နိုဝင်ဘာ၊ ဒီဇင်ဘာ။

ဒီသဘောကို နားမလည်တဲ့သူတွေက ဒီလအမည်တွေဟာ အင်္ဂလိပ်အခေါ်အဝေါ်ကို မပီကလာ ပီကလာနဲ့ တုပ ခေါ်ထားတာလို့ အမှတ်မှားကြကာ၊ အင်္ဂလိပ်ပိုဆန်အောင်ဟဲ့ ဆိုပြီး ဂျွန်၊ ဂျူလိုင် စသဖြင့် ရေးလာကြတာကို စာစောင်တွေ၊ စာအုပ်စာတမ်းတွေမှာ တွေ့လာရတယ်။

အချုပ်ကတော့ ဘာသာပြန်တာ မြန်မာမှုပြုတာမှာ အင်္ဂလိပ်ဘာသာကိုချည်း ဆရာ မတင်ချင်ကြပါနဲ့။ တခြား ကမ္ဘာ့ဘာသာစကားတွေနဲ့ ညှိပါ။

မြန်မာဆန်အောင် လုပ်ကြပါ။

+ ဣန္ဒဥရောပ အမည်များ

မောင်သာနိုး