နတ်မစောင့်သောတရား

နတ်မစောင့်သောတရား

နတ်မစောင့်သောတရား( သို့မဟုတ်) မြန်မာပြည်ကသက်ငယ်မုဒိမ်း

ဒီနေ့ခေတ်မှာ ကျွန်မတို့ကလေးမိဘတွေကို အခြိမ်းခြောက်ဆုံး ပြဿနာက သက်ငယ်မုဒိမ်းပါပဲ။

တကမ္ဘာလုံးမှာ ကလေးတွေစာတတ်ဖို့၊ကျန်းမာဖို့၊လူပီသဖို့ အကောင်းဆုံး ပျိုးထောင်နေကြချိန်မှာ ကျွန်မတို့ဆီမှာတော့ သက်ငယ်မုဒိမ်းရန်က လွတ်ဖို့က ပိုအရေးကြီးနေတဲ့အဖြစ်။

မြန်မာပြည်မှာ လူလာဖြစ်ရတဲ့ ကလေးတွေကိုသနားတယ်။

အသားစား အလေးခိုး
အသီးစား ဆေးဆိုး
ကလေးမြင်ရင် မတော်ရာနဲ့ထိုး.. လေမလား လို့ အမြဲပူနေရတဲ့ဘဝ။

ကျွန်မတို့ရဲ့ ဝန်းကျင်ဟာ ဒီလောက်တောင် ကျင့်ဝတ်ပျက်နေပြီလား။
ကျွန်မတို့ရဲ့ ဝန်းကျင်မှာ အကြင်နာမဲ့သူတွေ ပေါများလာပြီလား။

နေပြည်တော်က အမှု။
ဒီအမှုက ကျွန်မတို့ဝန်းကျင်က လူတွေရဲ့ လူသားမဆန်မှုတွေကိုအများကြီး ပေါ်လွင်ထင်ဟပ်စေခဲ့တယ်။
ဥပဒေနဲ့ သူ၏ဘက်တော်သားဆိုသူတွေကိုချည်းပဲ မျက်စိမှိတ်ယုံနေလို့မရကြောင်း အချက်ပြခဲ့တယ်။

မိဘနဲ့ဆရာ၊ အိမ်နဲ့ကျောင်း ဒီနှစ်နေရာဟာ ကလေးတစ်ယောက်ရဲ့ဘဝအတွက် အလုံခြုံဆုံးလို့ ယူဆချင်ပေမယ့် သိပ်မသေချာသလို ဖြစ်နေတယ်။

ဒီအမှုကိုအမှန်အတိုင်း ဖြစ်စေချင်ပါတယ်။
ဒီအမှုသာ အမှန်အတိုင်းမဖြစ်ရင် မိဘတွေရော၊ကလေးငယ်တွေပါ လူ့ပတ်ဝန်းကျင်အပေါ် ယုံကြည်မှု ပျက်ပြားရပါလိမ့်မယ်။

Victoria လေးကိုကယ်တာဟာ အနာဂတ်မြန်မာ့ကလေးများရဲ့ လုံခြုံမှုကိုကယ်ရာကျပါတယ်။

မိဘများ ဝန်းရံပါ။
ဝိုင်းဝန်းကူညီပါ။

“ငါ့ကလေး “ဆိုတာ မဟုတ်ပါဘူး..
“ငါတို့ရဲ့ကလေးတွေ” ပါနော်။

ကလေးအယောက်စီတိုင်းကို ကျွန်မတို့ကာကွယ်ကြဖို့ တာဝန်ရှိပါတယ်။

Victoria အတွက် တရားမျှတမှု အမြန်ရပါစေ။

Mommy Yu
11/6/2019

#justiceforvictoria