ဂျော့ အော်ဝဲ နှင့် ဘိုးမင်းခေါင်

ဂျော့ အော်ဝဲ နှင့် ဘိုးမင်းခေါင်

ဗြိတိန်စာရေးဆရာကြီး ဂျော့အော်ဝဲ ဟာ ဗြိတိသျှရဲအရာရှိကြီး ဘဝကိုစွန့်လွှတ်ကာ “မြန်မာပြည်ရဲ့နေ့ရက်များ” ဆိုတဲ့စာအုပ်နဲ့ စာရေးဆရာဘဝကို စတင်ဝင်ရောက်လာခဲ့သူ ဖြစ်ပါတယ်။သူရဲ့ မြန်မာပြည်ရဲ့ နေ့ရက်များ စာအုပ်ဟာလည်း အခုထိတိုင်အောင် လူကြိုက်များနေဆဲဖြစ်ပါတယ်။
ဂျော့အော်ဝဲဟာ ကိုလိုနီခေတ်က အင်္ဂလိပ်လက်အောက်ခံနိုင်ငံတစ်ခုဖြစ်တဲ့ အိန္ဒိယက ဘီဟာပြည်နယ်မှာ ၁၉၀၃ ခုနှစ်ကမွေးဖွားခဲ့တာပါ။ သူ့အမေကတော့ အင်္ဂလိပ်လူမျိုး မော်လမြိုင်သူတစ်ယောက်ပါ။ အော်ဝဲတစ်နှစ်သားမှာတော့ သူအမေနဲ့အတူ အင်္ဂလန်ကို ပြန်သွားခဲ့ပါတယ်။ သူ့မိသားစုဟာ အင်္ဂလန်မှာတော့ လူလတ်တန်းစားမိသားစုဖြစ်ပါတယ်။

ငယ်စဉ်က စီးပွားရေး အဆင်မပြေလို့ ပညာရေးကို ပုဂ္ဂလိက ကျောင်းမှာ မတတ်နိုင်လို့ သီလရှင် ကွန်ဗင့်ကျောင်းမှာ ပညာသင်ခဲ့ရပါတယ်။ကော်လိပ်ပြီးတော့ တက္ကသိုလ်ဆက်မတက်နိုင်တော့ အဲဒီခေတ်က အလွန်ခေတ်စားတဲ့ ကိုလိုနီပုလိပ်လုပ်ဖို့ ဆုံးဖြတ်ခဲ့ပါတယ်။

တာဝန်ထမ်းဆောင်ဖို့ နေရာရွေးတော့ ဘယ်သူမှ မသွားပြီး ရဲမလုပ်ချင်တဲ့ သူအမေဇာတိ မြန်မာပြည်ကို ရွေးချယ်ခဲ့ပါတယ်။သူဟာ မန္တလေး ရဲသင်တန်းကျောင်းမှာ သင်တန်းတက်ပြီးတော့ မြစ်ဝကျွန်းပေါ်ဒေသမှာ စတင်တာဝန်ထမ်းဆောင်ရပါတယ်။ နောက်တော့ တွံတေး၊ လက်ထောက်ခရိုင်ဝန်အဖြစ် သန်လျှင်မြို့ကို ရာထူးတိုးပြီး တာဝန်ထမ်း ဆောင်ခဲ့ရပါတယ်။ ၁၉၂၆ ခုနှစ်မှာ မော်လမြိုင်ကို ပြောင်းရွှေ့တာဝန်ထမ်း ဆောင်ခဲ့ရပါတယ်။

အဲဒီနောက် ပြဿာနာတစ်ခုကြောင့် ကသာမြို့ကို ပြောင်းရွှေ့ခြင်း ခံလိုက်ရပါတယ်။ ကသာဆိုတာ အဲဒီခေတ်ကာလက ဘယ်သူမှမသွားချင်တဲ့ မဲဇာပါ။

သူဟာ ဒီလိုတာဝန်တွေထမ်းဆောင်ရင်း ကိုလိုနီစနစ်ရဲ့ အမြတ်ကြီးစား ဂုတ်သွေးစုတ်တာတွေ၊ လက်အောက်ခံနိုင်ငံက ပြည်သူတွေအပေါ် အနိုင်ကျင့်တာတွေကို တွေ့မြင်ပြီး အဲဒီစနစ်ကြီးကို စက်စုပ်ခဲ့တာပါ။ ကိုလိုနီရဲ့ဒေါက်တိုင် တခုဖြစ်တဲ့ ရဲအရာရှိအနေနဲ့ မြန်မာပြည်မှာ (၅)နှစ်တာဝန်ထမ်းဆောင်ရင် နယ်ချဲ့ယါဒရဲ့ အကြွင်းမဲ့ အာဏာပိုင်စိုးမိုးရေးကို ထိတ်လန့်ခဲ့သူ တစ်ယောက်ပါ။

အနာဂတ်မှာ ကြီးထွားလာမယ့် အာဏာရှင်စနစ်အောက်မှာ လူသားတွေ ပျက်သုန်းမှာကို သိမြင်ခဲ့ပါတယ်။ အဲဒါကို သူ့ရဲ့ ပထမဆုံးလုံးချင်းဝတ္ထုဖြစ်တဲ့ မြန်မာပြည်ရဲ့နေ့ရက်များ စာအုပ်မှာ ကသာမြို့ကို နောက်ခံထားပြီး အရာရှိကြီးတွေက အခွင့်ထူးခံလူတန်းစားတွေ အဖြစ်ပုံဖော်ခဲ့ပြီး ဒေသခံတွေကိုတော့ ဖိနှိပ်ခံလူတန်းစားအဖြစ် ရေးသားခဲ့ပါတယ်။

အဲဒီမှာ အဓိက ဇာတ်ဆောင်မှာ ကိုယ်ချင်းစားတရားရှိတဲ့ မျက်ဖြူကုန်သည်တစ်ယောက်အဖြစ် ဖန်တီးကာ နယ်ချဲဝါဒရဲ့ ဖိနှိပ်ခွဲခြား ဆက်ဆံတာတွေ မီးမောင်းထိုးပြထားပါတယ်။

ဂျော့အော်ဝဲဟာ မြန်မာစကားကို ကောင်းကောင်း ပြောတတ်သူတစ်ယောက်ပါ။ ဒါအပြင် မြန်မာမှုတွေကိုလည်း လေ့လာလိုက်စားသူ တစ်ယောက်လည်းဖြစ်တယ်လို့ အမေရိကန်စာရေးဆရာမ ဂျာနယ်လစ်တစ်ဦးဖြစ်တဲ့ အမ်မာလာခင် ရဲ့ဂျော့အော်ဝဲရဲ့ မြန်မာပြည်ရဲ့လက်စလက်နများကို အခြေရာခံခြင်း စာအုပ်မှာ ရေးသားထားပါတယ်။

ဒါတင်ကသေးပါဘူး ဂျော့အော်ဝဲဟာ မြန်မာယောက်ျားလေးတွေထိုးလေ့ရှိတဲ့ ထိုးကွင်းကို ဒူးကနေ ပေါင်ရင်းထိ ထိုးတယ်တယ်လို့ အဲင်္ဒစာအုပ်မှာ ဖော်ပြထားပါတယ်။ ဂျော့အော်ဝဲရဲ့မြန်မာပြည်အကြောင်းရေးထားတဲ့ စာအုပ်တွေထဲမှာ မြန်မာစကားလုံးတွေကို မြန်မာအသံထွက်အတိုင်းရေးထားတာကို တွေ့ရပါတယ်။ သူဟာ ဝိဇ္ဖာနဲ့ တွေ့ခဲ့တယ်လို့ ဆိုနိုင်ပါတယ်။ သူစာအုပ်ထဲမှာ ဝိဇ္ဇာဆိုတာကို မူရင်း အသံထွက်အတိုင်းရေးသားခဲပြီး အဲဒီလူကြီးဟာ အင်္ဂလိပ်အင်ပါယာပျက်တော့ မယ်လို့ လမ်းတကာလှည့်အော်နေတယ်လို့ ရေးသားခဲ့ပါတယ်။

ဒါအပြင် ကျည်ကာမှော်အင်္ကျီတွေကိုလည် ဝေငှနေတယ်လို့ လည်းရေးသားထားတာကို တွေမြင့်နိုင်ပါတယ်။ ဂျော့အော်ဝဲတွေ့ခဲ့တဲ့ အဲဒီလူကြီးဟာ တခြားသူမဟုတ်ဘဲ ဘိုးမင်းခေါင်ဖြစ်တယ်လို့ ဆိုကြပါတယ်။ ကသာမြို့က ဇေယျာချောင် တောင်ပေါ်ကျောင်းမှာ စေတီတစ်ဆူ၊ ကသာမြို့က ကပ်ကာကျေးရွာမှာ စေတီတစ်ဆူတည်ခဲ့တယ်လို့ ဆိုပါတယ်။

ဂျော့အော်ဝဲဟာ ကသာမြို့မှာ နေစဉ် ဘိုးမင်းခေါင်နဲ့ ကောင်းကောင်းဆုံခဲ့ဖူးပုံရပါတယ်။ အင်္ဂလိပ်လူမျိုးတစ်ယောက်ဖြစ်လေတော့ ဝိဇ္ဇာဆိုတာကို ယုံကြည်ရခက်ပြီး အထူးအဆန်းဖြစ်နေပါတယ်။ အဲဒီ ပုဂ္ဂိုလ်ကြီးဟာ တိုင်းပြည်ပျက်တော့မယ် လူတွေ ဘုရားတရားလုပ်ဖို့ အမြဲဆော်သြနေတယ်လို့ ဆိုပါတယ်။

နောက်ပြီး တုတ်ပြီး ဓားပြီး သေနတ်ပြီးတဲ့ အဆောင်တွေလည်း ပေးတယ်လို့ ဆိုပါတယ်။သူနဲ့ ဆုံခဲ့တာကတော့ အရူးလိုလိုဘာလိုလိုနဲ့ လျှောက်အော်နေလို့ ပုလိပ်တွေက ဂတ်ကို ခေါ်ခဲ့တာကနေ့ ဆုံခဲ့တာပါ။နောက်တော့ တရားထိုင်အေးအေးဆေးဆေးနေတာတွေ့လို့ ပုလိပ်တွေက ပြန်လွှတ်ပေးခဲ့တာဖြစ်ပါတယ်။ အဲဒီအကြောင်းတွေကို သူဝတ္ထုထဲမှာ ဇာတ်ကောင်အဖြစ်ထည့်သွင်းခဲ့ပါတယ်။

ဘိုးမင်းခေါင် ဟာ ကသာမြို့တစ်ဝှက်မှာ အဲဒီအချိန်ကာလတုန်းက အရူးတစ်ယောက်လို့ လျှောက်သွားနေပြီး ပါစပ်ကလည်း ပြည်သူတွေပူမယ့် အပူငါ့ကိုပူ လို့ မကြာခဏအော်တတ်တယ်လို့ ကသာမြို့သက်ကြီးပိုင်း တချို့ ပြောပြဖူးပါတယ်။

ဂျော့အော်ဝဲအကြောင်း ပြန်ဆက်ရရင် မြန်မာပြည်ကြောင်း ဝတ္ထု တစ်ပုဒ် အက်ဆေး နှစ်ပုဒ်ရေးသားခဲ့သူပါ။ ကိုလိုနီပုလိပ်ဘဝအတွေ့အကြုံတွေဖြတ်သန်းမှုတွေကို ရေးသားခဲ့တာဖြစ်ပါတယ်။ အဲဒီအခြေခံနဲ့ animal Firm လို ကမ္ဘာကျော်ဝတ္ထုတွေရေးသားခဲ့ပါတယ်။သူရေးခဲ့တဲ့ ဝတ္ထုတွေထဲကကသာမြို့ကို နောက်ခံထားရေးခဲ့တဲ့ မြန်မာပြည်ရဲ့နေ့ရက်များ ဝတ္ထုဟာ အခုထိတိုင်အောင် ကမ္ဘာကျော်နေဆဲဖြစ်ပြီး အဲဝတ္ထုထဲမှာပါခဲ့တဲ့ အသုံးဆောင်တွေ အိမ်တွေနေရာတွေကို ကမ္ဘာ့နေရာအသီးသီးက ပရိသတ်တွေက ကသာမြို့မှာ လာရောက်ရှာဖွေနေဆဲပါ။

ညီထွန်းသူ