ချစ်လှစွာသော စစ်ကဲကြီး

ချစ်လှစွာသော စစ်ကဲကြီး

…………………………………………….
ကျွန်ုပ်သည်ကား ဆာမူရိုင်း တစ်ယောက်ဖြစ်ပေသည်။

အမျိုးဘာသာသာသနာကို ကာကွယ်နေကြသော ခေါင်းဆောင်ကြီးများထံ အသက်နှင့်ထပ်ကာ တာဝန်ထမ်းဆောင်လိုစိတ်ကား ကျွန်ုပ် ငယ်ရွယ်စဉ်ကတည်းက အသွေးထဲ အသားထဲ ပါရှိခဲ့၏။

ထို့ကြောင့် ကျွန်ုပ်သည် ဆာမူရိုင်းတစ်ယောက်ဘ၀ကို ရွေးချယ်ဖြစ်ခဲ့ခြင်းပင်။

”အမျိုးသားရေးအတွက် ကျွန်ုပ်၏ ဦးဆောင်မှုကိုခံယူပြီး တိုင်းပြည်ကို ကာကွယ်ပါ။ တိုင်းပြည်ကို ကယ်တင်ပါ။ တိုင်းပြည်ကို ကြည့်ရှု့ပါ။ တိုင်းပြည်ကို စောင်မပါ။ တိုင်းပြည်ရဲ့ သူရဲကောင်းဘ၀ကို ခံယူပါ”

ယင်းကာ ကျွန်ုပ်ကြည်ညိုသော စစ်ကဲကြီး၏ မိန့်ခွန်းများပါပေ။
စစ်ကဲကြီးသည် ရဲစွမ်းသတ္တိထွန်းပြောင်းပြီး အမျိုးသားရေးအတွက်၊ တိုင်းပြည်အတွက် ပေးဆပ်သူ သူရဲကောင်းကြီးအဖြစ် ကျွန်ုပ်ကြည်ညိုမိပေပြီ။

ထို့ကြောင့် စစ်ကဲကြီး လက်အောက်ရှိ ဆာမူရိုင်းတပ်ဖွဲ့တွင် ကျွန်ုပ်တာဝန်ထမ်းဆောင်ရန် ရွေးချယ်လိုက်လေ၏။
ယခုကာလသည် ကျွန်ုပ်တို့ တိုင်းပြည်၏ ပြုပြင်ပြောင်းလဲနေသောကာလဖြစ်သည်။

မေဂျီဘုရင်မင်းမြတ်နန်းတက်ပြီးနောက် တံခါးပိတ်ဝါဒကို ပယ်ဖျက်ပြီး နိုင်ငံခြားတိုင်းပြည်များနှင့် ဆက်ဆံရေး စတင်တည်ဆောင်နေချိန်ဖြစ်သည်။

၁၆ ရာစုအလယ်ပိုင်းတွင် ကျွန်ုပ်တို့နိုင်ငံသို့ အင်္ဂလိပ်ကုလားဖြူ နှင့် ဒတ်ခ်ျလူမျိုးအချို့ ရောက်လာခဲ့ကြသည်။
ကျွန်ုပ်တို့ ပြည်တွင်းရေးကိုလည်း ၀င်ရောက်စွက်ဖက်ပြီး ကျွန်ပြုရန် ကြံစည်ခဲ့ကြသည်။

ထို့ကြောင့် ဒေသတွင်း စစ်ကဲကြီးများ ညှိနှိုင်းပြီး ၄င်းနိုင်ငံခြားသားတို့အား အပြီးတိုင်နှင်ထုတ်လိုက်ပြီး တိုင်းပြည်အားလည်း တံခါးပိတ်ဝါဒကျင့်သုံးခဲ့လေသည်။

ပြည်တွင်းတွင် သင်္ဘောကြီးကြီးမတည်ဆောက်ရ၊ မည်သည့်ဂျပန်လူမျိုးမှ တိုင်းတစ်ပါးမသွားရ၊ မည်သည့် တိုင်းတပါးသားမှ ဂျပန်သို့ မ၀င်ရဟု ဥပဒေထုတ်တားမြစ်ခဲ့လေသည်။

စစ်ကဲကြီးများ၏ သြဇာအာဏာကို ထူထောင်ကာ တိုင်းပြည်အား တိုင်းတပါးသားရန်မှ ကာကွယ်ပေးခဲ့ကြသည်မှာ နှစ်ပေါင်း (၂၀၀)ကြာ၏။

ယခုတော့ အမေရိကန်တည်းဟူသော နိုင်ငံမှ ရေတပ်ဗိုလ် ကွန်မိုဒိုပဲရီ ဆိုသူကြောင့် ကျွန်ုပ်တို့ နိုင်ငံတံခါးဖွင့်ဝါဒကို စတင်ကျင့်သုံးလာရသည်။

မေဂျီဘုရင်က ကံကျွေးချအုပ်ချုပ်ရေးစနစ်ကို ဖျက်သိမ်းမည်ဆိုသည့်အခါ တစ်ချိန်က တန်ခိုးတောက်ခဲ့သော စစ်ကဲကြီးများ မခံချိမခံသာဖြစ်ကြသည်။

သို့သော်ငြား…ဘာမှ မတတ်နိုင်။
ပြည်သူအများနှင့် နိုင်ငံခြားတိုင်းပြည်များမှ မေဂျီဘုရင်အား ထောက်ခံနေချေ၏။

ကျွုန်ုပ်၏ သခင်စစ်ကဲကြီးကား အခြားစစ်ကဲကြီးများထက် ပိုမိုအင်အားကြီးသော ဆာမူရိုင်းစစ်တပ်ကြီးကို ပိုင်ဆိုင်ထားလေသည်။
နိုင်ငံတော်အား နိုင်ငံခြားသားများရန်မှ ကာကွယ်ပေးရန်နှင့် သာသနာတော်ကို စောင့်ရှောက်ရန် အမျိုးသားရေး စိတ်ဓာတ်ဖြင့် ကျွန်ုပ်တို့ကို ခေါင်းဆောင်၏။

မေဂျီအစိုးရက ကျွန်ုပ်တို့တပ်များအား အမြဲခန့်ညားနေရန်အတွက် ကျွန်ုပ်တို့သည် နယ်ပယ်အနှံမှ စစ်ကဲများနှင့် တိုက်ပွဲများဆင်နွှဲရသည်။

ကျွန်ုပ်တို့ တိုက်ပွဲများ ဆင်နွှဲပြီးလျှင် ခေါင်းဆောင်ကြီးများက ငြိမ်းချမ်းရေးဆွေးနွေးကြ၏။

ကျွန်ုပ်တို့ကား ယခုလိုကာလဆိုးကြီးတွင် အနစ်နာခံပေးဆပ်ရမည်ဖြစ်ကြောင်း စစ်ကဲကြီးက အမြဲမိန့်ကြားလေသည်။

နိုင်ငံရေးကို ကျွန်ုပ်စိတ်မ၀င်စား။ သိလည်းမသိ။
ကျွန်ုပ်ကား ကျွန်ုပ်သခင် စစ်ကဲကြီး၏ ခေါင်းဆောင်မှုကို အကြွင်းမဲ့ယုံသည်။

ကျွန်ုပ်တို့သည် စစ်ကဲကြီး၏ ခေါင်းဆောင်မှုအောက်တွင် ခေတ်မီသောနိပွန်တပ်မတော်ကြီးအဖြစ် ငှက်ပျောအူကို စုပ်ကာ စစ်တိုက်ကြသည်။ ခြင်းကျားကြီးများလွယ်ကာ ခရီးဆက်ကြသည်။

ခေတ်မမီတော့သော လက်နက်များဖြင့် တိုက်ခိုက်ကြသော်လည်း ကျွန်ုပ်တို့မှာ အလွန်သတ္တိရှိကြပါသည်။
စွန့်လွှတ်စွန့်စားဆာမူရိုင်းဓါး ဟု စစ်ကဲကြီးက ချီးကျူးသောအခါ ကျွန်ုပ်မှာ အလွန်ပင် ၀မ်းသာပီတိဖြစ်မိသည်။
တိုက်ပွဲနားချိန်တွင် ပြည်သူလူထုအကျိုးဆောင်လုပ်ငန်းများလုပ်ကြပေသည်။ စစ်ကဲကြီးတို့နေထိုင်သော မြို့ကြီးပြကြီးနေရာတွေကို ရောက်ဖူးရန် ကျွန်ုပ်တို့မှာ အချိန်မရှိ။

အားလပ်ချိန်များတွင် အရာရှိကြီးများ ခိုင်းသည်ကို ကျွန်ုပ်တို့ ပါရမီဖြည့်လုပ်ကိုင်ပေးရပြန်သည်။

မည်မျှပင် ပင်ပန်းပါစေ ကျွန်ုပ်တို့မမှု။
ကျွန်ုပ်တို့ကား အမျိုသားရေးအတွက် အသက်ပေးကြမည့် ပြည်သူ့ဆာမူရိုင်းများပေတည်း။

စစ်ကဲကြီးက ကျွန်ုပ်တို့ ဆာမူရိုင်းများ ကျဆုးံသည့်အခါ ကျန်ရစ်သည့်မိသားစုများအတွက် ဆိုကာ ကျွန်ုပ်တို့ လစာထဲမှ ဖြတ်ထုတ်ဖြုတ်ပြီး စုဆောင်းပေးထား၏။
အမျှော်အမြင်ကြီးသော စစ်ကဲကြီးပေ။

သို့သော်ငြား အချို့ ပြည်သူများနှင့် နိုင်ငံရေးသမားများက စစ်ကဲကြီးအား အမြင်မကြည်။ စစ်ကဲကြီးကို အမြင်မကြည်ခြင်းသည် ကျွန်ုပ်တို့ကို မကြည်ခြင်းပင်မဟုတ်လော။

ထို့ကြောင့် စစ်ကဲကြီးတို့က ဆာမူရိုင်းများသည် လူကြမ်းမဟုတ်ပါဟု ပင် ပြောယူကြရသည်။
မေဂျီအစိုးရ သည် နိုင်ငံခြားနှင့်ကူးလူးဆက်ဆံပြီး နှစ်ပေါင်းများစွာ တည်တံ့ခဲ့သော ကျွန်ုပ်တို့၏ အမျိုးဘာသာ သာသနာကို နိုင်ငံခြားသားထံရောင်းစားတော့မည်ဟု ကျွန်ုပ်တို့၏ ခေါင်းဆောင်ကြီးများကပြောပြသဖြင့် သိရသည်။

ဆာမူရိုင်းက ရန်သူကို ဓါးနဲ့ခုတ်သတ်လျှင် ငရဲမကြီးဟု ရှင်တိုကိုယ်တော်ကြီးများကလည်း ဟောပေးပြောပေးကြသည်။

ကျွန်ုပ်နားမလည်သည်က ပြည်ပရန်ဆိုပြီး ကျွန်ုပ်တို့ အချင်းချင်းသာ ခွတိုက်နေရသည့် ကိစ္စပင်။
အမျိုးသားရေးဆိုသည်မှာ ကျွန်ုပ်တို့အချင်းချင်း တိုက်နေကြခြင်းလား။

ကျွန်ုပ် ဥာဏ်မမီပါ။
သို့သော် ကျွန်ုပ်သည် အမျိုးသားရေးဆာမူရိုင်းကြီးအဖြစ် တာဝန်ယူရသည်ကို ဂုဏ်ယူနေမိပါ၏။
ဂုဏ်ယူလို့မှ မဆုံးခင် တိုက်ပွဲထွက်ရန် အကြောင်းပေါ်လာချေပြီ။

ကျွန်ုပ် စစ်တိုက်ရချေတောမည်..အဆွေ။
နှုတ်ဆက်ခဲ့ပါသည်။
……………………………………
ကျွန်ုပ်ကား တိုင်းပြည်အတွက် ပေးဆပ်ခဲ့ရပေပြီ။
ဒဏ်ရာပြင်းထန်လွန်းခဲ့သဖြင့် ဆက်လက်တာဝန်ထမ်းဆောင်ရန် မသင့်တော်တော့။

ဆာမူရိုင်းလူထွက်ဖြစ်ခဲ့ချေပြီ။
ဆာမူရိုင်းများနေထိုင်ရာ တဲတန်းမှလည်း ထွက်ခွာခဲ့ရချေပြီ။

နေပြည်တော်သို့ ကျွန်ုပ်တက်လာခဲ့ပေ၏။ ကျွန်ုပ်တို့၏ စစ်ကဲကြီး သည် ကျွန်ုပ်တို့အား ကြည့်ရှု့ပါလိမ့်မည်။
ကျွန်ုပ်တို့ ဆာမူရိုင်းလူထွက်တသိုက် နေပြည်တော်တ၀ိုက်လှည့်လည်ကြ၏။
စည်ကားလှပါဘိ။

ဥယျာဉ်တစ်ခုအတွင်း ၀င်သောအခါ ခမ်းနားလှသော စားသောက်ဆိုင်ကြီးကို တွေ့ရသည်။
လူဂုဏ်တန်များ ၀င်ထွက်သွားလာစားသောက်နေကြသည်။

ကျွန်ုပ်တို့အား ထိုဆိုင်ကြီးများသို့ စားနိုင်ရန် ငွေကြေးမပြည့်စုံပါ။ ကျွန်ုပ်တို့ လိုချင်သည်က အလုပ်တစ်ခုခုပင်ဖြစ်သည်။
အလို..ဒီလောက်ကြီးမားသည့် ဆိုင်ကြီး ဘယ်သူပိုင်သနည်း။

ကျွန်ုပ်တို့ စုံစမ်းသည့်အခါ ကျွန်ုပ်တို့၏ ချစ်လှစွာသော စစ်ကဲကြီး၏ ချစ်လှစွာသော သားကလေးပိုင်သည်တဲ့။
အလို ကျွန်ုပ်တို့စစ်ကဲကြီး၏ သားကလေးကား ဖခင်နှင့် တူသဖြင့် တော်လှပါဘိ။

အသက်ငယ်ငယ်ကလေးနှင့် လူချမ်းသာသူဌေးကြီးဖြစ်နေပေပြီ။ အားကျလှပါဘိ။
နယ်တွင် ပင်ပင်ပန်းပန်း ပဲငံပြာရည်လုပ်ရောင်းနေရသည့် ကျွန်ုပ်၏ သားကလေးကိုပင် သတိရမိသေးသည်။
သူများသားသမီးများ တော်လှ၏။

ထိုဆိုင်တွင် အလုပ်မရသောအခါ ကျွန်ုပ်တို့ကား ယောင်လည်လည်ဖြစ်နေပေပြီ။
နာမည်ကြီးပြဇာတ်အဖွဲ့ကြီးများ ကပြရာ ရပ်ကွက်သို့ ကျွန်ုပ်တို့ ရောက်သွားပြန်သည်။

ကျွန်ုပ်တို့ ကား ပြဇာတ်ထဲ ဘယ်နေရာခိုင်းခိုင်း အလုပ်ရလို ရငြား မေးမြန်းကြပြန်၏။
အလို..ကျွန်ုပ်များစွာ အံသြချေပြီ။
ပြဇာတ်အဖွဲ့ပိုင်ရှင်များက စစ်ကဲကြီးသမီးပိုင်ဖြစ်နေသည်။
ဂေးရှားမယ်များရွေးချယ်ရာတွင်လည်း စစ်ကဲကြီး၏ ချွေးမပိုင်ဖြစ်နေပြန်သည်။

အလို..တော်လိုက်တဲ့ မိသားစုပါတကား။

ဖခင်ဖြစ်သူ စစ်ကဲကြီးက ပတ်လည်တိုက်နေရသော စစ်ပွဲများနှင့် မအားမလပ်ဖြစ်နေချိန်မှာပင် မိသားစုက ရိုးသားကြိုးစားပြီး စီးပွားရှာကြသည်မှာ လုပ်ငန်းရှင်ကြီးများပင် ဖြစ်နေပါပကော။

ကျွန်ုပ်တို့ ဆာမူရိုင်းငယ်သားများအိမ်မှ မိသားစုများကား ညံ့လှပေသည်။
ဘယ့်နှယ့်…ငါးထွက်ရောင်း၊ ပဲငံပြာရည်ချက် အဆင့်ကမတတ်။

စစ်ကဲကြီး သားသမီးမြေးတစ်စုကတော့ မြို့တော်ကြီး၏ နေရာတကာတွင် လက်ညှိးထိုး မလွဲပိုင်ဆိုင်ထားချေပြီ။
အင်မတန်မှ ကြိုးစားပြီး ထူးချွန်အောင်မြင်လာခဲ့သော အားကျဖွယ်မိသားစုကြီးပါတကား။

ကျွန်ုပ်ကား ကျွန်ုပ်တို့ ဆာမူရိုင်းစစ်ကဲကြီးအတွက် ဂုဏ်ယူမိပေပြီ။
ကျွန်ုပ်တို့လို ငှက်ပျောအူစုပ်ဆာမူရိုင်း၊ ခြင်းကျားလွယ်ဆာမူရိုင်း၊ ကီမိုနိုအစုတ်ဆာမူရိုင်းများ ကို အထင်သေးသူများ။
ကျွန်ုပ်တို့၏ စစ်ကဲကြီး မိသားစုကို ရှုလော့။
တိုက်ပွဲများကြားမှာ ရဲရင့်စွာ စီးပွားရှာပြီး မြို့တော်ဂုဏ်ဆောင် လူ့ချမ်းသာကြီးတွေ ဖြစ်နေပေပြီ။

ကျွန်ုပ်ကား ဆာမူရိုင်းဘ၀တွင် တိုက်ပွဲပေါင်းများစွာ နိုင်လာသည်ကို ယခုလောက် ဂုဏ်မယူစဖူး။
ယခုတော့ ရိုးသားကြိုးစား စီးပွားရေးသမားကြီးများ ဖြစ်နေကြသော ကျွန်ုပ်တို့ စစ်ကဲကြီး မိသားစု အောင်မြင်မှုအတွက် ဂုဏ်ယူပေပြီ။

ကျွန်ုပ်တို့၏ ချစ်လှစွာသော စစ်ကဲကြီး ပြောပြောနေတတ်သည့် အမျိုးသားရေး၏ အဓိပ္ပါယ်ကို ကျွန်ုပ် မောင်ဆာမူရိုင်း ကောင်းကောင်းကြီး သဘောပေါက်ချေပြီ။
ကျွန်ုပ်၏ ရွာမှ အမျိုးများ သာယာရေးအတွက် ကျွန်ုပ်တွင် တာဝန်ရှိပေသည်။

ထို့ကြောင့်..ကျွန်ုပ်…ရွာပြန်ချေတော့မည်။
ကျွန်ုပ်တို့ ကား နိပွန်ပြည်မှ ဆာမူရိုင်းများဖြစ်တော့သကိုး။

ထပ်ပြောပါဦးမည်။
ကျွန်ုပ်တို့ကား နိပွန်ပြည်၊ မေဂျီခေတ်အစောပိုင်းမှ ဆာမူရိုင်းများပါနော်။

မြန်မာလိုရေးထားလို့ မြန်မာပြည်က ဆာမူရိုင်းလို့ထင်မနေနဲ့ဦး။

မြန်မာပြည်မှာ ဆာမူရိုင်း ဆိုတာ မရှိဘူးရယ်…ဟီး။

ဗြိတိသျှကိုကိုမောင်