မြန်မာနိုင်ငံမှ သုံးစွဲသူများအနေဖြင့် ငွေပေးချေခြင်းနှင့် စိစစ်အတည်ပြုခြင်းတို့အတွက် Biometrics နည်းလမ်းများကို အသုံးပြုလိုကြ

မြန်မာနိုင်ငံမှ သုံးစွဲသူများအနေဖြင့် ငွေပေးချေခြင်းနှင့် စိစစ်အတည်ပြုခြင်းတို့အတွက် Biometrics နည်းလမ်းများကို အသုံးပြုလိုကြ

ရန်ကုန်၊ နိုဝင်ဘာ ၊ ၈ ရက်၊ ၂၀၁၉။ ။

ကမ္ဘာတစ်ဝန်းဒစ်ဂျစ်တယ်ငွေပေးချေမှုလုပ်ငန်းနယ်ပယ်တွင် ဦးဆောင်နေသည့် Visa သည် သုံးစွဲသူများ၏ ငွေပေးချေမှုဆိုင်ရာ အလေ့အထများအကြောင်းလေ့လာဆန်းစစ်ချက် (လေ့လာဆန်းစစ်ချက်) မှ ထပ်မံတွေ့ရှိချက်များကို ယနေ့ ထုတ်ပြန်လိုက်ပါသည်။ အဆိုပါ လေ့လာဆန်းစစ်ချက်အရ ဖြေဆိုသူအားလုံး၏ တစ်ဝက်နီးပါး (၄၀ ရာခိုင်နှုန်း) ခန့်သည် ငွေပေးချေမှုများနှင့် စိစစ်အတည်ပြုခြင်း (Authentication) တို့အတွက် Biometrics နည်းလမ်းများ (လက်ဗွေရာ၊ မျက်နှာသွင်ပြင် လက္ခဏာများ၊ အသံ၊ မျက်ကြည်လွှာ၊ သွေးပြန်ကြော၊ DNA စသည်တို့ဖြင့် Scan ဖတ်ခြင်း၊ အသိအမှတ်ပြုခြင်းကို ဆိုလိုသည်) ကို ပြောင်းလဲ အသုံးပြုရန် စိတ်ဝင်စားမှုရှိကြသည်ဟု သိရှိရသည်။

ယင်းလေ့လာဆန်းစစ်ချက်သည် ငွေပေးချေမှု၊ အသစ်ပေါ်ထွက်လာသော ငွေပေးချေမှုနည်းလမ်းများနှင့် စပ်လျဉ်း၍ မြန်မာနိုင်ငံသားများ၏ လက်ခံနားလည်မှု၊ သဘောထားနှင့် အမူအကျင့်များအကြောင်းကို တိကျနက်နဲစွာ လေ့လာ သုံးသပ်ထားသော အစီရင်ခံစာတစ်ရပ်ဖြစ်သည်။
Visa Myanmar ၏ Country Manager ဖြစ်သူ Lillian Wang က “သုံးစွဲသူတွေရဲ့ ငွေပေးချေမှုပြုလုပ်တဲ့ ပုံစံကို ပြောင်းလဲပေးနေတဲ့ အသစ်အသစ်သော ငွေပေးချေမှုနည်းလမ်းတွေကို ကြည့်ခြင်းအားဖြင့် မြန်မာနိုင်ငံက သုံးစွဲသူတွေဟာ ငွေပေးချေမှုနည်းလမ်းပိုင်းရဲ့ နည်းပညာတိုးတက်မှုတွေကို သဘောကျတယ်ဆိုတာ သိနိုင်ပါတယ်။ နည်းပညာပိုင်း နားလည်တတ်ကျွမ်းမှုရှိနေပြီဖြစ်တဲ့ မြန်မာပြည်သူတွေက ဒစ်ဂျစ်တယ်ငွေပေးချေမှုအသုံးပြုခြင်းရဲ့ အကျိုးကျေးဇူးတွေကို သိရှိနားလည်လာကြတာကြောင့် ကျွန်မတို့အနေနဲ့လည်း စိတ်အားတက်မိပါတယ်” ဟု ပြောကြား ခဲ့သည်။

ဤလေ့လာဆန်းစစ်ချက်အရ Biometric နည်းလမ်းများထဲတွင် အသုံးအများဆုံးနည်းလမ်းများမှာ လက်ဗွေ Scan ဖတ်ခြင်း (၅၂ ရာခိုင်နှုန်း)၊ မျက်နှာသွင်ပြင် လက္ခဏာများ အသိအမှတ်ပြုခြင်း (၁၇ ရာခိုင်နှုန်း) ၊ မျက်ကြည်လွှာ Scan ဖတ်ခြင်း (၉ ရာခိုင်နှုန်း) နှင့် အသံအသိအမှတ်ပြုခြင်း (၅ ရာခိုင်နှုန်း) တို့ဖြစ်သည်။

Biometric နည်းလမ်းဖြင့် ငွေပေးချေမှုနှင့် စိစစ်အတည်ပြုခြင်းတို့ကို အသုံးပြုရခြင်း၏ အဆင်ပြေလွယ်ကူမှုအဆင့်ကို ကြည့်မည်ဆိုပါက ဖြေဆိုသူများ၏ ၉၉ ရာခိုင်နှုန်းသည် လက်ဗွေ Scan ဖတ်ခြင်းနည်းလမ်းကို အသုံးပြုရသည်မှာ အဆင်ပြေလွယ်ကူသည်ဟု ဖြေဆိုခဲ့ရာ ဤနည်းလမ်းသည် အဆင်ပြေလွယ်ကူမှုအဆင့်၏ ထိပ်ဆုံးတွင် ရပ်တည်လျက်ရှိ သည်။ မျက်နှာသွင်ပြင် လက္ခဏာများ အသိအမှတ်ပြုခြင်းနည်းလမ်းသည် ၉၅ ရာခိုင်နှုန်းဖြင့် ဒုတိယနေရာတွင် ရှိနေကာ၊ အသံဖြင့် အသိအမှတ်ပြုခြင်းနည်းလမ်းသည် ၉၁ ရာခိုင်နှုန်းဖြင့် တတိယနေရာတွင် ရပ်တည်နေသည်။ မြန်မာနိုင်ငံမှ ဖြေဆို သူများအတွက် မျက်ကြည်လွှာ Scan ဖတ်ခြင်းနည်းလမ်းမှာ အဆင်ပြေလွယ်ကူမှု အနည်းဆုံးဖြစ်ကာ ၈၉ ရာခိုင်နှုန်းသာ ရှိထားသည်။

အဆိုပါ လေ့လာဆန်းစစ်ချက်တွင် ထပ်မံ၍ မြန်မာနိုင်ငံသားများအနေဖြင့် စမတ်နာရီ (Smartwatch)၊ လက်ပတ် (Wristband) နှင့် လက်စွပ် (Ring) စသည့် အဆင်တန်ဆာပစ္စည်းများဖြင့် လုပ်ဆောင်ရသော ငွေပေးချေမှုများအကြောင်း သိရှိနားလည်မှု၊ စိတ်ဝင်စားမှုအခြေအနေကိုလည်း ထည့်သွင်းလေ့လာခဲ့သည်။ ထပ်မံတွေ့ရှိချက်များအရ ဖြေဆိုသူ ၁၀ ဦး တွင် ၁ ဦး (၉ ရာခိုင်နှုန်း) ကသာ ဤကဲ့သို့ အဆင်တန်ဆာပစ္စည်းများဖြင့် ငွေပေးချေမှုပြုလုပ်နိုင်ကြောင်းကို သိရှိ ထားသည်ဟု သိရသည်။ သို့ရာတွင် ထိုသို့ သတိပြု သိရှိမှု နည်းပါးနေသေးသော်လည်း ဖြေဆိုသူများ၏ တစ်ဝက်ခန့် (၄၁ ရာခိုင်နှုန်း) သည် ဤကဲ့သို့ နည်းပညာအသုံးပြု၍ ငွေပေးချေမှုများပြုလုပ်ရန် စိတ်ဝင်စားကြကြောင်း ဖော်ပြခဲ့ကြသည်။

မြန်မာနိုင်ငံမှ သုံးစွဲသူများအနေဖြင့် ငွေပေးချေမှုများပြုလုပ်ရာတွင် ငွေပေးချေမှုပြုလုပ်ရန် အသုံးပြုချင်ဆုံးနည်းလမ်းများကို ဖြေဆိုရာတွင် စမတ်နာရီအသုံးပြုသည့်နည်းလမ်းသည် နှစ်သက်သူ ၃၉ ရာခိုင်နှုန်းဖြင့် အများဆုံးဖြစ်ကာ၊ ၎င်း၏ နောက်တွင် လက်ပတ်အသုံးပြုသည့်နည်းလမ်း (၂၆ ရာခိုင်နှုန်း) ၊ လက်စွပ်အသုံးပြုသည့်နည်းလမ်း (၂၂ ရာခိုင်နှုန်း) တို့ ရှိကြောင်းသိရသည်။ အဆင်တန်ဆာပစ္စည်းများဖြင့် လုပ်ဆောင်ရသော ငွေပေးချေမှုနည်းလမ်းများ၏ အဆင်ပြေ လွယ်ကူမှုအဆင့်နှင့် စပ်လျဉ်း၍ မေးမြန်းရာ၌ မြန်မာနိုင်ငံသားဖြေဆိုသူအားလုံးနီးပါးက (၉၉ ရာခိုင်နှုန်း) လက်ပတ် အသုံးပြုသည့်နည်းလမ်းကို အသုံးပြုသည်မှာ အဆင်ပြေဆုံးဟုဖြေဆိုကြကာ ဒုတိယအနေဖြင့် စမတ်နာရီ အသုံးပြုသည့် နည်းလမ်း (၉၈ ရာခိုင်နှုန်း) ၊ တတိယအနေဖြင့် လက်စွပ်အသုံးပြုသည့်နည်းလမ်း (၉၅ ရာခိုင်နှုန်း) တို့က ရပ်တည်လျက်ရှိ သည်။

အဆိုပါ လေ့လာဆန်းစစ်ချက်အရ မြန်မာနိုင်ငံမှ ငွေကြေးသုံးစွဲသူများသည် ကြိုတင်မှာယူမှုများ၊ ငွေပေးချေခြင်း၊ ကုန်ပစ္စည်းများနှင့် ဝန်ဆောင်မှုများမှာယူခြင်းတို့ကဲ့သို့သော လုပ်ငန်းဆောင်တာများအတွက် AI Chatbot များ အသုံးပြု ခြင်းကို သဘောကျကြိုက်နှစ်သက်ကြကြောင်း သိရှိရသည်။ ဖြေဆိုသူများ၏ ၁ ရာခိုင်နှုန်းခန့်ကသာ AI Chatbot ကို အသုံးပြုဖူးသည်ဟု ဆိုသော်လည်း စစ်တမ်းကောက်ယူခဲ့သည့် လူဦးရေ၏ ၈၀ ရာခိုင်နှုန်းကျော်က ၎င်းတို့အနေဖြင့် အဆိုပါ လုပ်ဆောင်ချက်များနှင့် စပ်လျဉ်းပြီး သဘောကျကြိုက်နှစ်သက်မှုရှိသည်ဟု ဖြေဆိုခဲ့ကြသည်။

“ကျွန်မတို့အနေနဲ့ မြန်မာနိုင်ငံမှာ Visa Contactless နည်းပညာလိုမျိုး ဆန်းသစ်တဲ့ ငွေပေးချေမှုနည်းလမ်းတွေကို ဦးဆောင်ဦးရွက်ပြုပြီး မိတ်ဆက်ပေးခဲ့သလို ဒစ်ဂျစ်တယ်ငွေပေးချေမှုတွေ၊ ငွေကြေးစီမံခန့်ခွဲမှုတွေရဲ့ အကျိုးကျေးဇူးတွေ အကြောင်းကိုလည်း သုံးစွဲသူတွေကို အသိပညာပေးနိုင်ခဲ့ပါတယ်။ ယခုလို တိုးတက်လာတဲ့အခြေအနေအတွက် ကျွန်မတို့အနေနဲ့ ဂုဏ်ယူမိပေမယ့် နိုင်ငံတစ်ဝန်း ဒစ်ဂျစ်တယ်ငွေပေးချေမှုကို လက်ခံအသုံးပြုမှုကို တိုးမြှင့်သွားဖို့အတွက် ဆက်လက်ကြိုးစားဆောင်ရွက်သွားမှာဖြစ်ပါတယ်။ မြန်မာနိုင်ငံရဲ့ စီးပွားရေးဖွံ့ဖြိုးတိုးတက်မှုကို အထောက်အကူပြုနိုင်ဖို့ ငွေပေးချေမှုဂေဟစနစ်ထဲမှာ ဆန်းသစ်တဲ့ငွေပေးချေမှုနည်းလမ်းတွေကို မိတ်ဆက်ပေးပြီး ရင်းနှီးမြှပ်နှံမှုတွေ ဆက်လုပ်သွားဖို့ ကျွန်တို့ ကြိုးစားနေပါတယ်” ဟု Lillian က နိဂုံးချုပ်ပြောကြားခဲ့သည်။

စစ်တမ်းကောက်ယူမှုပုံစံ။ ။ မြန်မာနိုင်ငံမြို့ကြီးများရှိ မြို့နေလူထု၏ ငွေကြေးနှင့် ငွေပေးချေမှုဆိုင်ရာ အလေ့အထနှင့် သဘောထားများအကြောင်း သိရှိနားလည်ရန်အတွက် ဤဆန်းစစ်လေ့လာမှုကို ရန်ကုန်၊ ပုသိမ်၊ မန္တလေးနှင့် မကွေးမြို့ကြီး များတွင် လူဦးရေ ၅၀၄ ဦးနှင့် တွေ့ဆုံမေးမြန်းကာ စစ်တမ်းကောက်ယူခဲ့ခြင်း ဖြစ်သည်။ ဤစစ်တမ်းအား ၂၀၁၈ ခုနှစ် စက်တင်ဘာလတွင် ပြုလုပ်ခဲ့ခြင်းဖြစ်သည်။

Close Menu