“တစ်သိန်းတိုင်းမှာ တစ်ဆယ်လှူ၊ MAB နဲ့ လက်တွဲကူ” အစီအစဉ် MAB Customers များ စုငွေအကောင့်များမှတစ်ဆင့် ဆရာများလုပ်ခလစာများကို သုံးနှစ်တိုင်အောင် ပေးအပ်သွားမည်

“တစ်သိန်းတိုင်းမှာ တစ်ဆယ်လှူ၊ MAB နဲ့ လက်တွဲကူ” အစီအစဉ် MAB Customers များ စုငွေအကောင့်များမှတစ်ဆင့် ဆရာများလုပ်ခလစာများကို သုံးနှစ်တိုင်အောင် ပေးအပ်သွားမည်

“တစ်သိန်းတိုင်းမှာ တစ်ဆယ်လှူ၊ MAB နဲ့ လက်တွဲကူ” အစီအစဉ်သည် MAB Customers များ၏
စုငွေအကောင့်များမှတစ်ဆင့် ဆရာများ၏ လုပ်ခလစာများကို သုံးနှစ်တိုင်အောင် ပေးအပ်သွားမည့် အစီအစဉ်ဖြစ်သည်။ ထို့အပြင် MAB အနေဖြင့် အ.ထ.က(ခွဲ) အုတ်ဖိုကျေးရွာ၊ ထန်းတပင်မြို့နယ်ရှိ အခြေခံပညာအထက်တန်းကျောင်းတွင်လည်း ကျောင်းအဆောက်အအုံများနှင့် ပရိဘောဂများလှူဒါန်းသွားမည်ဖြစ်သည်။

ရန်ကုန်၊၁၉ ရက်၊ ဒီဇင်ဘာလ ၂၀၁၉ ။ ။ မြန်မာ့ရှေ့ဆောင်ဘဏ်သည် ပညာရေးကဏ္ဍဖွံ့ဖြိုးတိုးတက်စေရန်အတွက် ရန်ကုန်မြို့ရှိ ဘုန်းတော်ကြီးသင်ပညာရေးကျောင်းများမှ ဆရာ၊ ဆရာမများ၏ လုပ်ခလစာကို တိုးမြှင့်ထောက်ပံ့ပေးမည့် “တစ်သိန်းတိုင်းမှာ တစ်ဆယ်လှူ၊ MAB နဲ့ လက်တွဲကူ” အစီအစဉ်ဖြင့် လူမှုအကျိုးပြုလုပ်ငန်းကို ပြုလုပ်သွားမည်ဖြစ်ကြောင်း အသိပေး ကြေညာလိုက်သည်။ ယခုကြေညာချက်ကို ဒီဇင်ဘာလ ၁၉ ရက်တွင် Melia Hotel ၌ ပြုလုပ်ခဲ့သော MAB ၏ “ပိုမို ကောင်းမွန်သော နေ့သစ်များဆီသို့” အခမ်းအနားတွင် ထုတ်ပြန်ခဲ့ခြင်းဖြစ်သည်။

အဆိုပါ “တစ်သိန်းတိုင်းမှာ တစ်ဆယ်လှူ၊ MAB နဲ့ လက်တွဲကူ” လူမှုအကျိုးပြုလုပ်ငန်းသည် MAB စတင်ဖွင့်လှစ်ခဲ့သည့်
၂၀၁၀ ပြည့်နှစ် အချိန်မှ စ၍ ဆယ်စုနှစ်တိုင်အောင် ထောက်ခံအားပေးခဲ့သော အသုံးပြုသူများနှင့်အတူ မြန်မာ့လူမှု ပတ်ဝန်းကျင်ကို ကျေးဇူးတင်သောအနေဖြင့် ပြုလုပ်သော အစီအစဉ်ဖြစ်ပါသည်။ ယခု လူမှုအကျိုးပြုအစီအစဉ်တွင် MAB အသုံးပြုသူများသည် ၂၀၂၀ ပြည့်နှစ်၏ ပထမဦးဆုံး ၆ လအတွင်း MAB တွင် ကျပ်တစ်သိန်း စုငွေထည့်သွင်းသည့်အခါတိုင်း ငွေဆယ်ကျပ်ကို မတည်ငွေအနေဖြင့် MAB က ထည့်ဝင်လှူဒါန်းသွားမည်ဖြစ်ပါသည်။ ၎င်းမတည်ငွေကို အသုံးပြုသူများ၏ လာရောက်အပ်နှံထားသော အကောင့်များမှ ရယူခြင်း မဟုတ်ဘဲ MAB ၏ အကျိုးအမြတ်များမှသာ မတည်လှူဒါန်းသွားမည် ဖြစ်ပါသည်။

MAB အနေနှင့် ယခုအစီအစဉ် မစခင် အချိန်ကတည်းကပင် သွေးလှူဒါန်းခြင်းကဲ့သို့ လူမှုအကျိုးပြုအစီအစဉ်များ ပြုလုပ်ဖူး သော်လည်း “တစ်သိန်းတိုင်းမှာ တစ်ဆယ်လှူ၊ MAB နဲ့ လက်တွဲကူ” အစီအစဉ်သည် အကြီးဆုံးသော လူမှုအကျိုးပြုအစီအစဉ် ဖြစ်ပါသည်။

“ကျွန်မတို့အနေနဲ့ မြန်မာ့ရှေ့ဆောင်ဘဏ်ရဲ့ ၁၀ နှစ်ပြည့် အထိမ်းအမှတ်ကို ဂုဏ်ပြုတဲ့အနေနဲ့ လူမှုပတ်ဝန်းကျင်ကို တစ်ခုခု အကျိုးပြုချင်ပါတယ်” ဟု မြန်မာ့ရှေ့ဆောင်ဘဏ် Consumer Banking Department မှ Sales and Distribution ၏ Vice President ဖြစ်သူ ဒေါ်ဧဒင်ထားငှကီးမှ ပြောကြားခဲ့ပါသည်။ ၎င်းမှ ထပ်မံ၍ “ဒီလှူဒါန်းမှုက MAB ရဲ့ လှူဒါန်းမှုအနေနဲ့တင် မဟုတ်ဘဲ ကျွန်မတို့ရဲ့ Customers တွေရဲ့ လှူဒါန်းမှုလည်း ပါဝင်တယ်လို့ ယူဆပါတယ်။ ဒါကြောင့် ဒီအစီအစဉ်ရဲ့ ရလာတဲ့ အောင်မြင်မှုကို အားပြုပြီး နောင်အနာဂတ်မှာလည်း ဒီထက်ပိုအကျိုးရှိမယ့် အကျိုးပြုလုပ်ငန်းတွေ လုပ်ဆောင်နိုင်မယ်လို့ မျှော်လင့်ပါတယ်” ဟု ပြောကြားခဲ့ပါသည်။

လှူဒါန်းမှု၏ တချို့ကို MAB စတင်တည်ထောင်ခဲ့သည့် လဖြစ်သည့် ဇူလိုင်လ ၂၀၂၀ ပြည့်နှစ်မှ စတင်၍ နောက်သုံးနှစ်တာ ကာလအတွင်း မြိုင်ဘုန်းတော်ကြီးသင်ပညာရေးကျောင်းနှင့် ဓမ္မစရိယ ဘုန်းတော်ကြီးသင်ပညာရေးကျောင်းရှိ ဆရာ၊ ဆရာမများကို ကျောင်းမှ ပေးအပ်သည့် လုပ်ခလစာအပြင် MAB က အပိုထပ်ဆောင်းပေးသော စုငွေအဖြစ် ထောက်ပံ့သွားမည် ဖြစ်သည်။ ထိုကဲ့သို့ ပြုလုပ်ရန် MAB မှ လှူဒါန်းငွေလက်ခံသူများအား ငွေတိုးပွားနှုန်းနှင့် ပတ်သက်ပြီး ပညာပေးရန်နှင့် နောင် လာမည့်နှစ်များတွင် ၎င်းတို့၏ ငွေများတိုးပွားစေရန် ရည်ရွယ်ချက်ဖြင့် Corporate Account (လုပ်ငန်းသုံးအကောင့်များ) ကို ဖွင့်ထားပေးမည်ဖြစ်သည်။ ထိုဘဏ်အကောင့်များကို သက်ဆိုင်ရာကျောင်းအသီးသီးမှ ပိုင်ဆိုင်မည်ဖြစ်သော်လည်း ဆရာ၊ ဆရာမများမှလည်း မည်သည့် MAB ၏ ATM စက်တွင်မဆို ငွေသားအနေဖြင့် သွားရောက်ထုတ်ယူနိုင်မည်ဖြစ်သည်။ ဤမတည်ငွေများသည် ဆရာ၊ ဆရာမများ၏ပုံမှန်ရရှိနေသော လစာကို အစားထိုးပေးအပ်ခြင်း မဟုတ်ဘဲ ပိုမိုတိုးပွားအောင် ပြုလုပ်ပေးခြင်းဖြစ်သည်။ ထိုသို့ပြုလုပ်ခြင်းဖြင့် အရည်အသွေးပြည့်မီသော ဆရာ၊ ဆရာမများအနေဖြင့် ပိုမိုကောင်းမွန်သော လူနေမှုဘဝကို ရရှိပိုင်ဆိုင်နိုင်မည်ဖြစ်ပြီး မိမိတို့၏ အသက်မွေးဝမ်းကြောင်းပညာရပ်ကိုလည်း ဆက်လက်လုပ်ဆောင် နိုင်အောင် တွန်းအားပေးနိုင်မည်ဖြစ်သည်။ ထို့အပြင် MAB အနေဖြင့် ထန်းတပင်မြို့နယ်ရှိ အခြေခံပညာအထက်တန်း ကျောင်းတွင်လည်း ကျောင်းအဆောက်အအုံများနှင့် ပရိဘောဂများလှူဒါန်းသွားမည်ဖြစ်သည်။

MAB သည် မြန်မာနိုင်ငံတစ်ဝန်းတွင် ဘဏ်ခွဲ ၉၈ ခု ဖွင့်လှစ်ထားပြီး ဖြစ်သော်လည်း ပိုမိုအောင်မြင်သည့် ဘဏ်တစ်ခုအဖြစ်
ဆက်လက်ကြိုးစားသွားမည်ဖြစ်ပါသည်။ “တစ်သိန်းတိုင်းမှာ တစ်ဆယ်လှူ၊ MAB နဲ့ လက်တွဲကူ” အစီအစဉ်သည် ရေရှည် တည်တံ့ကောင်းမွန်သော နည်းလမ်းဖြင့် မြန်မာ့စီးပွားရေးလုပ်ငန်းများနှင့် လူထုကို ထောက်ပံ့အားပေးခြင်း၊ တက်ကြွလှုပ်ရှားစေခြင်းနှင့် အတူတူဖွံ့ဖြိုးတိုးတက်ခြင်းအစရှိသည့် အဓိကတန်ဖိုးများနှင့်အတူ MAB ၏ “Better Ways, Better Living” ဟူသော ဆောင်ပုဒ်ကို ထင်ဟပ်စေမည်ဖြစ်ပါသည်။

“အခုလို MAB ရဲ့ ဆယ်နှစ်ပြည့်အထိမ်းအမှတ်ကို ဆင်နွှဲရသလို နောက်ထပ် နောက်ထပ်နှစ်တွေမှာလည်း ခုလိုပဲ ဆင်နွှဲနိုင်ဖို့ မျှော်လင့်ပြီးတော့ ပိုမိုကောင်းမွန်တဲ့ ဘဏ်ဖြစ်အောင် ဆက်လက်ကြိုးစားသွားပါ့မယ်” ဟု မြန်မာ့ရှေ့ဆောင်ဘဏ်၏ Chief Credit Officer cum Deputy Chief Business Officer ဖြစ်သူ ဦးဇော်မိုးအောင်က ပြောကြားခဲ့ပါသည်။ “ကျွန်တော်တို့ ဒီလူမှု အကျိုးပြုအစီအစဉ်အတွက် အရမ်းကို စိတ်လှုပ်ရှားနေပါတယ်။ အားလုံးရဲ့ အခြေခံအုတ်မြစ်ဖြစ်တဲ့ ပညာရေးကဏ္ဍကို ထောက်ပံ့ခြင်းအားဖြင့် ကျွန်တော်တို့ နိုင်ငံရဲ့ ဖွံဖြိုးတိုးတက်မှုကို မြင်ရဖို့အတွက် မျှော်လင့်ပါတယ်” ဟု ၎င်းက ထပ်မံပြော ကြားခဲ့ပါသည်။